http://bayram.arzublog.com/uploads/bayram/220px-Ahmad-qavam.jpg

احمد قوام یا قوام السلطنة (1252-1334تهران) ابراهیم معتمدالسلطنة اوغلی و وثوق الدولة قارداشی کی 5 دفعه ایراندا صدراعظم اولدی ایکی دفعه قاجاریه زمانی و ایکی دفعه پهلوی زمانی

قاجار شاهلاری اونا قوام السلطنه لقبی وئردیلر و محمدرضا پهلوی اونا حضرت اشرف لقبی وئردی بو لقب محمدرضا و قوام آراسیندا خصومته گوره لغو اولدی امما سوندا بولقبی اونا قایتاردی.اونون لقلبری چوخودی منشی حضور (1315 ه.ق) وزیرحضور(1334 ه.ق) و دبیرحضور(1322 ه.ق) بو لقبلری شاهلاردان آلدی.

مشروطه فرمانی اونون الینن یازیلدی و او آذربایجان قائله سینده 1325 اینجی ایلده آذربایجان ضددینه چالیشدی و شوروی قوشونون ایراندان کوچمه سینه یاردیم اولدی .

یاشایش

1252اینجی ایلده تهراندا دونیایه گوز آچدی و آتاسی معتمدالسلطنة اونی ناصرالدین شاه درباریندا شاه پیش خدمتی ائتدی و او سون ایللرده دایی سی میرزا علی خان امین الدوله آذربایجان والی سی اولاندا اونون منشی سی اولدی .29 یاشیندا مظفرالدین شاه اورپایه اوچونجی دفعه گئدنده او مظفرالدین شاهین یول بیری اولدی .او بو مسافرت ده قوام السلطنة لقبین آلدی و مظفرالدین شاه منشی سی اولدی و دبیر حضور اولدی .و مشروطه چاغیندا مشروطه فرمانین یازدی و مشروطه چیلر وشاه آراسیندا رابط اولدی.امما مظفرالدین شاه اولندن سورا مقامیندان استعفا وئردی و اورپایه گئتدی درس اوخوسون.

مشروطه

احمد قوام تهران آلیناندا مشروطه زمانی خارجه دن ایرانا قایتدی و بو ایلده 1288 ایلین مهراین 8ی داخله ایشلر وزیرینه معاون اولدی و1296اۀتی اینجی ایلجا عدلیه و مالیه وداخله ایشلر وزیری اولدی و بو ایل بهمن این 8ی خوراسان والی سی سئچیلدی.او خوراساندا چوخلی پولی و مال دولت قازاندی و 1299 اینجی ایلده قزاق لار کودتا ائتدیلر و سیدضیاء الدین طباطبائی صدراعظم اولدی و سید ضیاء اوندان آجیخلی و دوشمانیدی و سیدضیاء امرینه کولونل محمدتقی پسیان اونی توتدی و 1300 اونجی ایلده اونی تهرانا یوللادیلار و او عشرت اباد زندانیندا حبس اولدی و اونون مال دولتی وپوللاری مصادره اولدی.

احمدشاه صدراعظمی

بو چاغدا احمد شاه کی سیدضیاء دن قورخولی اولموشدی و اونی شاهلیقینا خطر بیلیردی سیدضیانی عزل ائتدی و احمدقوامی زنداندان چیخالدیب و اوزونه صدراعظم ائتدی و او بوتون زندانی لری آزاد ائتدی و اولاری وزیر و ایشچی ائتدی و ایکی نفردن سورا بوتون کابینه وزیری زنداندان چیخان اولدولار.

سیدضیاء آداملاری بو چاغدا ایرانین هر طرفینده قاریشیق سالدیلار و او حاج باباخان اردبیلی نی زنجاندا و میرزاکوچکخانو خالو قربان واحسان الله خانی گیلاندا و محمدتقی خان پسیانی خوراساندا سرکوب ائتدی و قاریشقلاری یاتیتدی واحمدشاه شاهلیقنا دوام وئردی.

قوام انگلیسی سیدضیاء طرفی بلیردی و اونا گوره نفت شرکیتین آمریکائی استاندارد اویل شرکتینه وئردی و روس وانگلیس الین باغلادی.او 8 آی صدراعظم اولدی و آخیرده او دوکتور مصدقی مالیه ایشلر وزیری ائتدی و اونون الین بوتون دولتی و خصوصی مال دولتده آچیخ گویدی و اونا گوره مجلیس نماینده لری و بعضی انگلیس وروس ایشچیلری قاریشیق سالدیلار و او مجبور اولدی استعفا وئرسین وایشدن ال گوتوردی.

ایکنجی صدراعظم اولماسی

1301 اینجی ایلدهخرداد ایننی 26 التی سی یئنی دن احمدشاه قوامی صدراعظم ائتدی و او آمریکائی ایشلینلری مالیه ایشلره گوره ایرانا چاغیردی و بو آمریکائی ایشچیلر 12 نفر ایقتصادی ایش بیلن آرتور میلیسپو باشچلیقینان ایرانا گلدیلرو 5 ایل یاراندا مالیه ایشلری دولاندیردیلار.بو چاغدا رضا خان انگلیس یاردیمینان و قزاق قوشونی گوجوینن قوشون ایشلر وزیری اولدی و او نضامی حکومت شهرلرده یاراتدی و مجلیس بو ایشده قوامی مسئول بیلدی و آخیرده رضاخان اونی مجلیس الینن ایشدن سالدی و او مجلیسده استیضاح اولدی و کناره چکیلدی ویرین مستوفی الممالک آلدی و 1301اینیج ایلین بهمن آینین 5ی استعفا وئردی.او سوندا تهران نماینده سی اولدی و مجلیسه گلدی رضاخان کی اونی اوزونه دوشمن بیلیردی بیر دوزلینمیش ترور قوردی و اوندا قوامی رضا شاهی اولدورماقا متحم ائتدی و اونی توتدی و زندانا سالدی امما احمدشاه واسطه اولدی و او زنداندان چیخاندان سورا خارجه

آرتــیغین اوخوماغا بورا کلیک اِئلین
شنبه 1396.5.28
بؤلوملر : ایل بایرامی,