بایـــــرام

منیم حورمتلی دیلداشلاریم بیزی اوز باخیشلاریزینان سویوندورون

تورکی شعر

0 گؤروش
یازار:‌ اهرلی


بیر اوتوزموش پاشانین بوش قالاسین گؤر منی گؤر
یوواسیندان ییخیلان قوش بالاسین گؤر منی گؤر

ایلین آخیر گئجه سینده آتاسیز بیر اوشاغین
اوتانیب اللری بوم بوش آناسین گؤر منی گؤر

منی دیندیرمه دانیشسام سنی پئشمان ائده رم
دینامیت بومباسینین پاتلاماسین گؤر منی گؤر

باجاغیندان آسیلان داردا جلالتلی شئرین
داملا داملا قانینین داملاماسین گؤر‌ منی گؤر

منه سندن سورا دونیادا غمین نئیله یه جک
سؤز یازاندا قلمین آغلاماسین گؤر منی گؤر

یومورام سندن اؤتور گؤزلریمی آرزولارا
سارانین سئللره بئل باغلاماسین گؤر منی گؤر


رحیم اصغرزاده تکین

آرتــیغین اوخوماغا بورا کلیک اِئلین
پنجشنبه 1401.1.25
بؤلوملر : تورکی شعرلر ,

دومان بختیاری دن بیر قوشما

0 گؤروش
یازار:‌ اهرلی


بئینیمده ساوالان، گؤزومده آراز،
یول آلیب گئدیرم؛ دوماندا، چن‌ده.
دردیمی سیزلاییر بیر صدفلی ساز،
نسیگیله بویانیر ماهنی دا، من‌ ده.

ساغیم دا یارادیر، سولوم دا یارا،
باغلانیب آیاغیم، کؤچه بیلمیرم.
سنه کؤرپولنن قولوم دا یارا،
بو سینیق کؤرپودن کئچه بیلمیرم.

اوزومو دؤندریب خزره ساری،
سینیرام ایچیمده آیلی بیر گئجه.
گؤزومده سورگوندو دورنا قاطاری،
یایلیم‌لی بیر گئجه، یایلی بیر گئجه.

حسرتله دایانیب بیر آه چکیرم،
آرزیمی گؤزومده سئله دؤندریر.
ساحیلدن-ساحیله گوناه چکیرم،
 باغریمی یاندیریب کوله دؤند‌ریر.

بیر قوشما یازیرام، یاریسی سودا-
یاریسی تورپاقدا اود توتوب یانیر.
بارماغیم آز قالیر سنی اونودا،
بلکه ده وئردیگی ایلقارین دانیر.

بلکه ده یازیمیز یازیلمیش بئله،
بلکه ده ساوالان سیغماییر منده.
اوره‌ییم توخونور تیکانلی تئله،
«دومان»دا، یاغیشدا، بوراندا، چن‌ده...

دومان بختیاری

آرتــیغین اوخوماغا بورا کلیک اِئلین
پنجشنبه 1401.1.25
بؤلوملر : تورکی شعرلر ,

نسیمی دن بیر گوزل شعر

0 گؤروش
یازار:‌ اهرلی

فراقی چکمه ین عاشیق ، وصالین قدرینی بیلمز
جمیله اولمایان واصیل ، جمالین قدرینی بیلمز

شب اسراده قوسینین ایکی نصف ائیله دی آیی

بو معجزدن اولان غافیل ،هلالین قدرینی بیلمز

دوداغین سلسبیلیندن خبردار اولمایان جانسیز

اونون ماهییتی اود دور ، زلالین قدرینی بیلمز

مدور نقطه ی خالون ، ببک دن عینینه قوندی

ببک سیز قالسین او  گوزکی بو خالین قدرینی بیلمز

نهالین اعتدالیندان اوتانار سدره و طوطی

بو قدی بنزدن سروه ، نهالین قدرینی بیلمز

سنی سندن دیلر کونلوم ، نه دونیانون زر و گنجین

کی او مالی سئون جانسیز، بو مالین قدرینی بیلمز

اوزوندور پرده آللاهین یمینی ،کعبه سی ، بیتی

یمینی بیلممیش هر کیم شمالین قدرینی بیلمز

گونش ماه تمامیندن زواله اوغراشور هر گون

نه دن شول آفتابی بی زوالین قدرینی بیلمز

لب لعلون وصالیندان جدا اولماق منه دوشمز

بو ذوقی بیلمه ین صوفی ، بو حالین قدرینی بیلمز

نسیمی صوفی دگیشمز غموندن گئدیگی شالی

کی او صوفی صفاسیز دور بو شالین قدرینی بیلمز




آرتــیغین اوخوماغا بورا کلیک اِئلین
چهارشنبه 1396.6.8
بؤلوملر : تورکی شعرلر ,

گوزل تورکجه شعرلر ( نسیمی دن بیر گوزل شیعر )

0 گؤروش
یازار:‌ اهرلی


http://bayram.arzublog.com/uploads/bayram/old_book_box.jpg

منده سیغار ایکی جهان، من بو جهانه سیغمازام

گؤوهری لامکان منم، کؤونو مکانه سیغمازام

عرشله فرش و کافو نون منده بولوندو جومله چون

کس سؤزونو و ابسم اول، شرح و بیانه سیغمازام

کؤونو مکاندیر آیتیم، ذاتی دورور بیدایتیم

سن بو نیشانلا بیل منی، بیل کی، نیشانه سیغمازام

کیمسه گومانه ظن ایله اولمادی حق ایله بیلیش

حققی بیلن بیلیر کی، من ظنّو گومانه سیغمازام

صورته باخ و معنینی صورت ایچینده تانی کیم

جیسم ایله جان منم ولی، جیسم ایله جانه سیغمازام

هم صدفم، هم اینجییم، حشرو صیرات ادینجییم

بونجا قوماش و رخت ایله من بو دوکانه سیغمازام

گنجی- نیهان منم من اوش، عئینی- عیان منم، من اوش،

گؤوهری- کان منم من اوش، بحرو و کانه سیغمازام

گرچی موحیطی- اعظمم، آدیم آدامدیر، آدمم

دار ایله کونفکان منم، من بو مکانه سیغمازام

جان ایله هم جاهان منم، دهریله هم زامان منم
گؤر بو لطیفئیی کی من، دهرو زمانه سیغمازام

نجوم ایله فلک منم، وحی ایله هم ملک منم

چک دیلینی و ابسم اول من بو لیسانه سیغمازام

زرره منم، گونش منم، چار ایله پنجو شئش منم

صورتی گؤر بیان ایله، چونکی بیانه سیغمازام

ذات ایلیم صیفات ایله، قدر ایلیم برات ایله

گولشکرم نبات ایله، بسطه دهانه سیغمازام

نار منم، شجر منم، عرشه چیخان هجر منم

گؤر بو اودون زبانه سین، من بو زبانه سیغمازام

شمس منم، قمر منم، شهد منم، شکر منم

روحی- روان باغیشلارام، روحی- روانه سیغمازام

گرچی بو گون نسیمیم، هاشیمیم، قورئیشیم

بوندان اولودور آیتیم، آیت و شأنه سیغمازام



شاعیر: عماد الدین نسیمی

آرتــیغین اوخوماغا بورا کلیک اِئلین
شنبه 1396.4.17
بؤلوملر : تورکی شعرلر ,