بایـــــرام

منیم حورمتلی دیلداشلاریم بیزی اوز باخیشلاریزینان سویوندورون

Yeni iliniz mübarək

0 گؤروش
یازار:‌ اهرلی

تورکی آذربایجانی
Yeni iliniz mübarək

تورکی استانبولی
Yeni Yılınız Kutlu Olsun

انگلیسی

Happy new year

عربی
سنة جدیدة سعیدة

کردی
Sersal Happy


آرتــیغین اوخوماغا بورا کلیک اِئلین
دوشنبه 1395.12.30
بؤلوملر : ایل بایرامی,

انا دیلی آناگونی

0 گؤروش
یازار:‌ اهرلی

http://bayram.arzublog.com/uploads/bayram/ANAM.jpg

دیزیمین قوللاریمین طاقتی سن سن آی آنا

دیلیمین هر سؤزو هر صؤحبتی سن سن آی آنا

کیم اگر ایسترسه آناسی خوار اولسون

دیلی لال گؤزلری کور قولاق لاری کار اولسون

کیم آنا زحمتینی دانسا اونا آر اولسون

چکن اؤولاد چون عذاب اذیتی سن سن آی آنا

دیزیمین قوللاریمین طاقتی سن سن آی آنا

دیلیمین هر سؤزو هر صؤحبتی سن آی آنا


http://bayram.arzublog.com/uploads/bayram/2anam.gif

آرتــیغین اوخوماغا بورا کلیک اِئلین
یکشنبه 1395.12.29
بؤلوملر : تورکی دیل ,

آتا بابا سوزلری

0 گؤروش
یازار:‌ اهرلی

http://bayram.arzublog.com/uploads/bayram/BAYRAM_1.jpg
گوزل دیلداشلاریم  ایندیجن بو اتا بابا سوزلرین بیر یرده ایشیتیب سیز
خاهیشیم وار اگر ایشیتسز باخیش قیسمتینده بویوراسیز  تشکرلر

آرتــیغین اوخوماغا بورا کلیک اِئلین
یکشنبه 1395.12.29
بؤلوملر : آتا بابا سوزلری ,

آتا بابا سوزلری

0 گؤروش
یازار:‌ اهرلی

http://bayram.arzublog.com/uploads/bayram/BAYRAM.jpg

آرتــیغین اوخوماغا بورا کلیک اِئلین
یکشنبه 1395.12.29
بؤلوملر : آتا بابا سوزلری ,

آشیق علعسگر

0 گؤروش
یازار:‌ اهرلی

آشیق علعسگرین بیر شعری وار گؤزله آدیندا.بو شعرین سون بندینده دئییر

فلک دن گئیلیلیم گونو بیزه قارا وئریب

مؤمنی ذلیل ایله ییب،سورو گوناهکارا وئریب

ترلانی سارا یازیب،تر غنچه نی خارا وئریب

علعسگر مجنون اولوب مئیلینی داغلارا وئریب

اونودوب عبادتی باغلاییب داستان گؤزله

 

دئییر مانا خئییر وئرمیر.عبادت مانا لازیم دئییل.بو سؤزدن اؤتری بوتون دین خادیملری علعسگر له گؤرمزه بیلمزه طرف دوشوللر. گنجه ده طوی مجلیسیندن سونرا آشیق علعسگر شاگیردینه دئییر اوغول سن بوردا دایان بو دین اسلام مملکتینده من بیر ناماز قیلیم قاییدیم. علعسگر هئچ کیمی گؤزلمه دن باشینی مؤهوره قویوب شست ایلن ناماز قیلیر.دئمه لی علعسگری ایچری ده گئدنده بوراخمیللار،باییرا دا چیخاندا بوراخمیللار.دئییر سیز نه تهر میللت سینیز! نه تهر آدامسینیز!.بایاخ منی ایچری بوراخمیردیز آیاغیما باشیما باخدیز بوراخدیز،ایندیسه باییرا چیخماغا قویمورسونوز.دئدیلر یوخ  گرک دیر سواللاریمیزی جاوابلاندیراسان.بیر روایته گؤره علعسگرین گؤزلرین باغلییب اوچ گون دورت گون علعسگره سوال وئریب جاواب آلیردیلار.سون دادا دئدیلر حالال اؤلسون گئده بیلرسن.اوندا علعسگر دئییر بو قده ر سیز منه سوال وئردینیز بیر سوال دا منیم سیزدن واریم ، و بئله داوام ائدیر

صبحون چاغی بیرحیکمته توش اولدوم

دئسم اینانمازلار،سیرری سبحاندی

یئددی قات قالادی،داشسیز،کرپیجسیز

او قالادا بیر اژدها پنهاندی

 

گؤرن دئییر علعسگرندن دانیشیر!!

 

نه قده ر باخیرام یوخدور گؤزلری

ایکی بوینوزو وار، بحر ششپری

نه ال آیاغی وار نه بال وپری

سئیر ایله ییر، نه گردیشی دؤوراندی?

 

دئدیلر بئله شئی نه دونیایا گلیب نه ده گلجک!.

 

نه زامان کی، سرین چیخاردیر در دن

یئددی قات قالانی ترپدیر یئردن

قالدیم عاجز،ذلیل،حیران ،سرگردان

بیلمه دیم چینی دا استخواندی?

 

دیندیررم،دیلله نمیر،یوخدور زبانی

اونا ترتیب وئریب کرمین کانی

اؤزو دینجدی،هئچ اینجیتمیر انسانی

حئییف،ایسمی دوغرولارا دوشماندی

 

سحردن سحره ائدیر سئیرانی

گؤتورور قالانی،گزیر هر یانی

آشیق علعسگر دئییر بو معمانی

هر کس تاپسا،جانیم اؤنا قورباندی.


http://bayram.arzublog.com/uploads/bayram/ashiq_4.jpg

آرتــیغین اوخوماغا بورا کلیک اِئلین
یکشنبه 1395.12.29
بؤلوملر : آشیق و آشیقلار,

آشیق شمشیر احوالاتی

0 گؤروش
یازار:‌ اهرلی


 

بیر طوی مجلیسینه آشیق شمشیر ،آشیق کیمی دعوت آلیر.یولون اوزاغ اولدوغو سببدن ، آشیق بئله قرارا گلیر کی بو مسافه نی قاطار لا  گئدسین.او سببدن ده قاطار بیلیتی ساتیلان مکانا مراجعت ائتدیک ده قاطار بیلیتینی طلب ائدیر.سن دئمه بیلیت ساتان بیر جاوان قیز دیر کی آشیق شمشیرین شعرلریله تانیشدی ، و آشیقین حاقیندا چوخ اوخویوب و ائشیدیب آما آشیقی گؤرمه میشدی. آشیق یاخینلاشیر و گئتدیی مقصده بیلیت طلب ائدیر.قیز باشینی قوؤزامادان سوروشور آدینیز?آشیق دییر آشیق شمشیر.قیز شمشیر آدینی ائشیدرکن باشینی قالخیزیب آشیقا باخیر و گولومسه ییر ، و دئییر عمی!سن آشیق شمشیر سن?من بئله بیلیردیم آشیق شمشیر جاواندی، سن کی بو قده ر قوجاسان!!آشیق هئچ نه دئمه دن قلم الینه آلیب و بئله یازیر:

 

بیر ده گول

 

جاوانین گولمه سی قوجایا خوشدور

گول آی قیزیم من قوجایا بیر ده  گول

خط آغاریب دیش تؤکولوب اوز باتیب

گولونج ائدیب او خدایا ،بیر ده گول

 

الیمدن چیخیبدی جاوانلیق دمی

قوجالیق داغلاییب بوتون سینه می

قویمور دوز دانیشام، اییب چنه می

سالیب منی نه های هایا بیر ده گول

 

بیر واخت جاوان ایدیم منده سیزین تک

دئییردیم آچیلیب چمن گول چیچک

سئومزدیم چیرکینی گزردیم ملک

اعتبارسیز بو دونیایا بیر ده گول

 

منیم له غملره یاری اولارسیز

گؤزللیگین انتظاری اولارسیز

سیزده بیر گون قوجا قاری اولارسیز

بوگردیشه، بو فنایا بیر ده  گول

 

دوشگونه لازیمدیر وئره سن قویماق

سحری قایقاناق، آخشام بال ،قایماق

شیرین جمالیندان اولارمی دویماق

ائتدیگیم بو تمنایا بیر ده  گول

 

عشق اوجوندان اودا یاندی پروانام

زحمت دن قاچمیرام مرد دوغوب آنام

دئییردیم اوو آلان قوجا ترلانام

شمشیرکیمی قارچیقایا  بیر ده  گول.

آرتــیغین اوخوماغا بورا کلیک اِئلین
یکشنبه 1395.12.29
بؤلوملر : آشیق و آشیقلار,

آشیق

0 گؤروش
یازار:‌ اهرلی


http://bayram.arzublog.com/uploads/bayram/ashiq_1.jpg

آشێق یا عاشیق، گۆنئی و قۇزئی آذربایجاندا ساز (قوْپوز) ایله ایجرا ائدن اوْخوجو. آشیق‌لار ایسلام‌دان اؤنجه زامان‌لاردان، تۆرک خالق‌لارین آراسیندا ایجرا ائدرمیش‌لر. مۇختلیف تۆرک ائللری، آشیق ایله سازی مۇختلیف آدلار ایله تانیرلار. آشیق‌لار قهوه‌خانالاردان علاوه، توْی و آیری مراسیم‌ده ده ایجرا ائدرلر.

ایسلامی اینقیلاب‌دان اؤنجه ایللرده، آشیق‌لارین چێخی و باتی آذربایجانین بۆتون اصلی شهرلرین‌ده، چوْخلو ایجرالاری اولاردی. تبریز، آشیق‌لارین چێخی مرکزی و اۇرمیه اوْنلارین باتی مرکزی ایدی. تبریزده چوْخلو واقت‌لار آشیق بیر بالابان‌چالار و بیر قاوال‌چالار ایله ایجرا ائدردی. اۇرمیه‌ده آشیق همیشه تک ایجرا ائدردی.

http://bayram.arzublog.com/uploads/bayram/ashiq_zolfeya.JPG


آشیق سؤزونون آچیقلاماسی

عاشیق سؤزونون آنلامی:آغ ، d/d/ دده ، ozan اوزان ، varsaq وارساق ، baxwi عاشیغا کئچمیشده باخشی و کیمی آدلار وئریلمیشدیر. yanwaq و یانشاق iwiq ایشیق ، a saqqal ساققال

میر علی سیدوفا گؤره عاشیقلارا ۶- جی و ۷- جی عصیرلرده وارساق، سونرالار ۸- جی عصیردن -۱۰ جو عصره قدر اوزان سؤزو ایشلنمیشدیر. کیتابی دده قورقوتدا اوزاندان علاوه دده سؤزو ده ایشله نیلیر. آنجاق دده دئدیکده اوزانلیغی ایله برابر هم ده بیلیجی و آغ ساققال و عاقیل بیر ائل آتاسی نظرده توتولور. اکثر اوغوزنامه لرین یارادیجیسی دده لر اولموشلار. نئجه کی اوغوزنامه لرین سونوندا بئله بیرعیباره لره راست گلیریک:دده م قورقود گلیبن بوی بویلادی ، سؤی سؤیله دی بو اوغوزنامه یئگنکین اولسون دئدی.

سونرالار حتی گونوموزه قدر قوجامان ، دونیا گؤرموش خلق ایچینده چوخلو حؤرمت قازانمیش آغ ساققاللارا "دده" دئییرلر. مثلا ۱۵ – جی عصرده تبریزده یاشایان دده عؤمر ایستر عادی جماعت ، ایسترسه ده حؤکومت باشچیلاری طرفیندن چوخ سایغیلی بیر آغ ساققال اوزان ایمیش و آق‌قویونلو اوزون حسن دفعه لرله اونون گؤروشونه گئتمیشدیر.

بعضی نظریه چیلره گؤره عاشیق سؤزو ایشیق سؤزوندن عمله گلمیشدیر. بیزه معلومدور کی اسکی زامانلاردا تورک ائللری ایشیغی قوتسال بیلمیشلر, بلکه ده عاشیغا اولان حؤرمتلرینه گؤره اونا ایشیق آدی وئریلمیشدیر. نئجه کی "حق عاشیغی" ، "دده" و" آغ ساققال" سؤزلرینده ده بئله بیر قوتسال لیق واردیر.

کور اوغلو دستانیندا اولان بو میصراعلاردا دا بئله بیر آنلام ایفاده اولموشدور. کوراوغلو دئر: من عاشیغام, عاشیق دئییلم ایشیغام.

لاکین محمد فؤاد کؤپرولوزاده عاشیق سؤزونون محض پوزولاراق ایشیق طرزینده تورک دیلینه کئچدیگینی سؤیله ییر.

سؤزوندن عمله گلم هسینی ایدّعا ائتمیشلر. نئجه کی awilamaq بعضیلری ده اونو آشیلاماق دئییرلر. awule= و آواز اوخویان آشوله چی awule اؤزبکلر مئلودی یه آشوله آنجاق اکثر آراشدیرماچیلار عاشیق سؤزونون آنلامینی اورگی عشقله دولو اولان معناسیندا بیلمیشلر.

بیلیریک عاشیق سؤزو یونوس امره دن بو یانا آذربایجاندا و آنادولودا ایشلنمگه باشلادی یونوس امره حقه عاشیق بیر درویش و اوزان ایدی . اسگی قایناقلاردا دا همیشه عاشیق سؤزو عاشق کیمی ایمیش.

عاشیق شعرلری تمامیله هیجا وزنینده دیر. عاشیق شعرلری نین فورملاری عاشیق هاوالاریله دوغما یارانمیشدیر. بونلار عوموما یئددی, سکگیز, اون بیر هیجالیدیر.

آشاغیدا بو شعر فورملاری حاققیندا داها دا گئنیش معلومات وئریله جک:

آشیق احمد شهبازی== آذربایجان آدلیم عاشیقلاری ==

  • عاشیق قوربانی
  • خسته قاسیم
  • عاشیق غافار
  • آزافلی میکاییل
  • [آشیق احمد شهبازی ]*
  • آراز ائلسس
  • اوزان عادیل
  • آشیق هدایت
  • خوندابلی مهجور
  • حسن دمیرچی
  • آشیق قشم
  • آشیق ایمران حیدری
  • عاشیق مسیح‌الله
  • عاشیق گونش
  • آشیق حسین علی‌حسینی
  • آشیق حسن اسکندری
  • آشیق حسین جوان
  • آشیق رسول قربانی
  • آشیق زولفیه
  • ساری آشیق
  • آشیق عابباس توفارقانلی
  • آشیق عبدالعلی نوری
  • آشیق یوسف اوهانس
  • عزیز شهنازی
  • قاراجا اوغلان
  • آشیق چنگیز مهدی پور

  • http://bayram.arzublog.com/uploads/bayram/ashighbolut-1.jpg

آرتــیغین اوخوماغا بورا کلیک اِئلین
یکشنبه 1395.12.29
بؤلوملر : آشیق و آشیقلار,

تورک دیلیمیز

0 گؤروش
یازار:‌ اهرلی

تورک الفباسی

Aa, Bb, Cc, Çç, Dd, Ee, Əə, Ff, Gg, Ğğ, Hh, Xx, , İi, Jj, Kk, Qq, Ll, Mm, Nn, Oo, Öö, Pp, Rr, Ss, Şş, Tt, Uu, Üü, Vv, Yy, Zz



ا A - ب B - پ P - ت T - ج C - چ Ç - خ X - د D - ر R - ز Z - س S - ش Ş - ف F - ق Q - ک K - گ G - ل L - م M - ن N - و V - ه H - ی Y


صامت حروف تورکی دیل ده
  • ب: بالیق Balıq (ماهی)، بئل Bel (کمر)، قاب Qab (ظرف)
  • پ: ایپک İpək(ابریشم)، ساپ Sap (نخ)
  • ت: تلیس Təlis (گونی)
  • ج: جئیران Ceyran (آهو)، قوجا Qoca (پیر)، کرپیج Kərpic (خشت)
  • چ: چای Çay (رودخانه)، سئرچه əSerçe (گنجشک)، قولچاق Qolçaq (عروسک)
  • خ: خورتان Xortan (لولو)، اَرخ Arx (جوی آب)، توخوماق Toxumaq (بافتن)
  • د: داراق Daraq (شانه)، دامجی Damcı (قطره)، سؤگود[۴] Söyüd (درخت بید)
  • ر: بَرک Bərk (سفت)، قارا Qara (سیاه)
  • ز: زای Zay (خراب، گندیده)، مازالاق Mazalaq (فرفره)، بالدیز Baldız (خواهر شوهر و خواهر زن)
  • ژ: قیژقیرماق Qıjqırmaq (ترشیدن) [۵]
  • س: ساچ Saç (زلف، گیسو)، ترسَه Tərsə (برعکس)
  • ش: شیش Şiş (سیخ)، مئشه Meşə (جنگل)، دؤش Döş (سینه)
  • غ: آغری Ağrı (درد)، یاغ Yağ (روغن)
  • ف: کوفلنمیش Küflənmiş (کپک زده)
  • ق: قارقا Qarqa (کلاغ)، قولاق Qulaq (گوش)، قارپیز Qarpız (هندوانه)
  • ک: کورک Kürək (پشت)، تیکان Tikan ( خار)، اؤرتؤک Örtük (ملافه)
  • گ: گؤزل Gözəl (زیبا)، گَلین Gəlin (عروس)، سوپورگه Süpürgə (جارو)
  • گ نرم: ایینه İynə (سوزن)، اَیری Əğri (کج)، دوگو Düyü (برنج)
  • ل: لاله Lalə (لاله)، سالخیم Salxım (خوشه میوه)، اَل Əl (دست)
  • م: مارال Maral (گوزن)، اَپریمک Əprimək (فرسوده شدن)
  • ن: نارین Narin (ریز)
  • و: وئرمک Vermək (دادن)
  • ه: هؤرمک Hörmək (بافتن)
  • ې: آیی Ayı (خرس)، آی Ay (ماه)
  •  ودئمله دی کی تشدیدلی تکرار حرفینن یازارلار  یِددی yeddi (هفت)، سَققَل Saqqal (ریش).


آرتــیغین اوخوماغا بورا کلیک اِئلین
شنبه 1395.12.28
بؤلوملر : تورکی دیل ,

آذربایجان سر بی زبان ایران

0 گؤروش
یازار:‌ اهرلی

http://bayram.arzublog.com/uploads/bayram/dil_7_.jpg
تورکون دیلی تک سوگلی،ایستکلی دیل اولماز
ئوزگه دیله قاتسان، بو اصیل دیل، اصیل اولماز
ئوز شعرینی فارسا-عربه قاتماسا شاعر
شعری اوخیانلار، ائیشدنلر کسیل اولماز
فارس شاعری چوخ سوزلرینی بیزدن آپارمیش
"صابر" کیمی بیر سفره لی شاعر،پخیل اولماز
تورکون مثلی فولکلری دنیادا تکدیر
خان یورقانی،کند ایچره مثل دیر،میتیل اولبماز
آذر قوشونی،قیصر رومی اسیر ائتمیش
کسری سؤزیودیر بیر بئله تاریخ ناغیل ائولماز
پیشمیش کیمی ، شعرین ده گرک داد-دوزی اولسون
کند اهلی بیلر لر کی دوشابسیز خشیل اولماز
سؤزلرده جواهر کیمی دیر، اصلی بدلدن
تشخیص وئرن اولسا بوقدر زیر-زبیل اولماز
شاعر اولا بیلمزسن ، آنان دوغماسا شاعر
مس سن ،آبالام ، هر ساری کوینک قیزیل اولماز
چوق قیسّا بوی اولسان اولیسان جن کیمی شیطان
چوق دا اوزون اولما کی اوزون دا عقیل اولماز
مندن ده نه ظالم چیخار ، اوغلوم ، نه قصاص چی
بیر دفعه بونی قان کی ایپکدن قیزیل اولماز
آزاد قوی اوغول عشقی طبیعت ده بولونسون
داغ-داشدا دوغولموش دلی جیران حمیل اولماز
انسان اودی تودسون بو ذلیل خلقین الیندن
الله ی سؤرسن ، بئله انسان ذلیل اولماز
چوق دا کی سرابون سویی وار یاغ-بالی واردیر
باش عرشه ده چاتدیر سا سراب اردبیل اولماز
ملت غمی اولسا،بو جوجوق لارچؤپه دؤنمز
اربابلار یمیزدن دا قارینلار طبیل اولماز
دوز واختا دولار تاخچا-طاباق ادویه ایله
اوندا کی ننه م سانجیلانار زنجفیل اولماز


http://bayram.arzublog.com/uploads/bayram/turki_1_.jpg
http://bayram.arzublog.com/uploads/bayram/turki_2_.jpg
http://bayram.arzublog.com/uploads/bayram/turki_3_.jpg
http://bayram.arzublog.com/uploads/bayram/turki_4_.jpg
http://bayram.arzublog.com/uploads/bayram/turki_5_.jpg
http://bayram.arzublog.com/uploads/bayram/turki_6_.jpg
http://bayram.arzublog.com/uploads/bayram/turki_7_.jpg

http://bayram.arzublog.com/uploads/bayram/turki_18_.jpg
http://bayram.arzublog.com/uploads/bayram/turki_17_.jpg
http://bayram.arzublog.com/uploads/bayram/turki_16_.jpg
http://bayram.arzublog.com/uploads/bayram/turki_15_.jpg
http://bayram.arzublog.com/uploads/bayram/turki_14_.jpg
http://bayram.arzublog.com/uploads/bayram/turki_13_.jpg
http://bayram.arzublog.com/uploads/bayram/turki_12_.jpg
http://bayram.arzublog.com/uploads/bayram/turki_11_.jpg
http://bayram.arzublog.com/uploads/bayram/turki_9_.jpg
http://bayram.arzublog.com/uploads/bayram/turki_8_.jpg

آرتــیغین اوخوماغا بورا کلیک اِئلین
جمعه 1395.12.27
بؤلوملر : تورکی دیل ,

بایرام و باهار سوزو شعرلریمیزده

0 گؤروش
یازار:‌ اهرلی

دونیانین بیر چوخ ادبیاتیندا اولدوغو کیمی ؛ ائله جه ده آذربایجان ادبیاتیندا دا بایرام سوزونه اوزل بیر یئر آچیلمیش و شاعیرلریمیزین بیر چوخو بایرام حاقدا شعرلر قوشموش و یا شعرلرینده یئری گلدیکده بایراما ایشاره لری اولموشدور . آشاغیدا تقدیم ائده جه یمیز بیت لر اونلارین بلکه ده مین دن بیری حسابلانا بیلر

شیروانلی عماد الدین سید علی نسیمی:
باهار اولدو گل ای بولبول تماشا قیل بو گولزاره
بوراخدی غنچه لر پرده بشارت وئردی بو زاره
شقایق پرده دن چیخدی بویاندی باغ ایله بوستان
ایریشدی گولشنین حوسنو بویاندی رنگ ازهاره


قاسیم بیگ ذاکر:
بایرام گونودور ذوق و صفاخانه لر ایچره
جانانیم اوتورموش نئچه جانانه لر ایچره


http://bayram.arzublog.com/uploads/bayram/bayram95_9_.jpg

شبسترلی میرزه علی معجز:
بایرام گونو دوشابی توکنده پیاله یه
قورخوم بودور کی شیربینینجی اوشاقلار یارالی یه


میر مهدی سید زاده:
بیر قوش اوچدو بیزیم باغا
سحر – سحر اوخوماغا
قوندو یاشیل بیر بوداغا
دئدی گوزل بایرام گلیر

استاد سید محمد حسین شهریار :
بایرام ایدی گئجه قوشو اوخوردو
آداخلی قیز به ی جورابین توخوردو
هر کس شالین بیر باجادان سوخوردو
آی نه گوزل قایدا دی شال ساللاما
به ی شالینا بایراملیغین باغلاماق

آذربایجاندا اوخونان بیر ماهنی دان :
گل عیش ائده ک بیر سورمه چک گوزه بایرام گونلری
آغ اوزونو گول یاناغی به زیر بایرام گونلری
شهلا گوزون ؛ گونش اوزون ؛ شرمنده قیلیر ماهی
گل قدح له بیر نوش ائدک تزه بایرام گونلری


رحمتلی کوندورولو عاشیق قشم جعفری :
سیاه تئللر چولقانیبدیر شالا بایرام گونلری
عاشیق اولان مجنون کیمی ایسته دیگین آختارار
قیزلار توکر هوروکلرین دالا بایرام گونلری
باخ گوزل لر گئیینیب لر آلا بایرام گونلری

http://bayram.arzublog.com/uploads/bayram/bayram95_18_.jpg

رحمتلی مجید یالقیز :
... چون یاخشیلیغا آدین چیخیب دیر
چک پیسدن اوزون کناره بایرام
طبعین بو طبیعتین دیشدین
قیش دوندو گوزل باهاره بایرام
ائتدین گئجه گوندوزو برابر
احسنت بو اقتداره بایرام
بیر گوزده گوروبدو قویمادین فرق
لیل ایله بو گون نهاره بایرام


رحمتلی سردریلی محمد افتخاری:
ایسته سن شاد ائده سن میللتی بایرام گئجه سی
یوخسولون قویما گئده حورمتی بایرام گئجه سی
ایسته سن ثروتیوی خرج ائده سن یاخشی یئره
یول یاخین دیر اوزاغا گئتمه نه داغ وار نه دره
یوخسولون خرجینی چکمک له قیزین سن وئر اره
چوخ اوزاتما  آرادا صحبتی بایرام گئجه سی

 
رحمتلی اوستاد حمید سخا مهر:
... بایرامین صحبتی اولدوقجا اوشاقلار سئوینیر
سانکی عاشیق ائوینه سئوگیلی جانان گلیری
ایندی دن منده سیزه بایرامی تبریک ائدیره م
گورورم پنجره دن شاد و خورامان گلیری


رحمتلی اوستاد عباس بارز:
یوزلر ایل دیشیله یوز بایرام گله
احساسیم بوغماسا اولمه ره م حله
سالیر مین فیرتانا قورور مین تله
بیزی آللاتماغا نوروز بایرامی

اوستاد حاج موسی هریسی نژاد :
بایران دی اصل آدی سوران اولسا کنهونی
قازلام شاه عصری صادر اولوب بو آدا جاواز

http://bayram.arzublog.com/uploads/bayram/novruz_3_.jpg

حاج علی عطائیه ( نجار اوغلو ) :
یوخسول اوز حقینه چاتسا اونا بایرام اولاجاق
زحمت ایله قازانان پوللاری جیبده قالاجاق
توتاجاق بایرامی چرشنبه ده چیلتیک چالاجاق
نجار اوغلو گوره جک اولکه ده بایرام اولورو
دئییری شنلیک ایله یوخسولا بایرام گلیری

بایاتلی محمد فضولی :
انتظار مئی گلرنک ایله بایرام آیینا
باخا – باخا ائنه جک دیر گوزوموزه قاره سو

بیر ماهنی دان :
بایرام گلیر ائلیمه ائلیمیزه
نغمه دوشور دیلیمه دیلیمیزه
کونول گولور ائلیم گولور . گولور گوزل دیاریم
چالیر تارین چالیر سازین . گولور ائللر گولور


ناظیم حکمت :
"من کی پرومته دن آلیب آتشی
نینوانین ظولوم سارای لارینا سالمیشیم
و اولئمپوس قارتاللارینین پنجه سینده
قانایان اورگیمی
 بیر نوروز باهاریندا سئودالارا سارمیشیم .
اللرینده بانا باهارلار گتیر
جویل- جویل بیر گؤروش گونونده اولسون
بیر مکتوب گؤندر بانا باهار دادیندا
بایقین بایقین اولکم قوخوسون"


توپلایان : آقای همراز

آرتــیغین اوخوماغا بورا کلیک اِئلین
جمعه 1395.12.27
بؤلوملر : ایل بایرامی,