بایـــــرام

منیم حورمتلی دیلداشلاریم بیزی اوز باخیشلاریزینان سویوندورون

آنا- آتا سؤزلری و آنلامی

0 گؤروش
یازار:‌ اهرلی

امر_ائله، داغلارا قار یاغسین. 

چیخاریندان، شخصیتیندن، آرتیق دانیشان و دستور وئرنلره دئییرلر. 


آللاه_باشین اؤزونه قاتسین.

دوشمانجا داورانیشی اولان کس اوچون دئییلر و منظور اودورکی آللاه
 دوشمانین باشینی اوقدر اؤزونه قاتسین، بیزیم علیه‌یمیزه بیر ایش
 گؤره بیلمه‌سین.


انصاف_دین‌ین_یاریسی‌دی، دوزونه باخسان هامیسی‌دیر. 

بیری انصاف‌سیز آدام اولسا، نه قدر ده اؤزونو دیندار دئسه، هئچ
 واخت اونا اینانماق اولماز، اصیل دین انصاف‌لا، عدالت‌له داورانماقدیر.

آرتــیغین اوخوماغا بورا کلیک اِئلین
پنجشنبه 1400.9.18
بؤلوملر : آتا بابا سوزلری ,

آتا بابا سوزلری

0 گؤروش
یازار:‌ اهرلی

http://bayram.arzublog.com/uploads/bayram/atababasuzlari.gif

آنام دان ایشیدیم اتا بابالار سوزلری :


-اَل اَلی یووار اَلده قاییدیب اوزی یووار

-الله آدامین عمرونن گوتورسون شانسینا قویسون
-الله بو گوزی اوبیری گوزه محتاج اله مه سین
-الله داغینا باخار قار وئرر
-الله ویران آغاجین سسی اولماز
-الله وئرنده بنده گمانا توشور

- ننه ن سوغان دده ن ساریمساخ هاردان اولدون گل مشد کریم

 

آرتــیغین اوخوماغا بورا کلیک اِئلین
سه شنبه 1396.7.25
بؤلوملر : آتا بابا سوزلری ,

آتا بابا سوزلری

0 گؤروش
یازار:‌ اهرلی

http://bayram.arzublog.com/uploads/bayram/3631-illustration-of-a-gold-design-pv.png

      ساغ اَل  وِرَنی ، سول اَل  گَرَح  بیلمیه

آرتــیغین اوخوماغا بورا کلیک اِئلین
پنجشنبه 1396.1.24
بؤلوملر : آتا بابا سوزلری ,

گوزل ماهنیلاریمیز

0 گؤروش
یازار:‌ اهرلی

وفاسیزسان ماهنیسی:

آی منیم بلالیم،سنسیز نئجه یاشاییم (2)
قویما منی سنین اوچون،گئجه گوندوز آغلاییم (2)
وفاسیزسان،سن وفاسیز،سن وفاسیز،سن وفاسیز (2)
سن منیم حیاتیم،سنسیز نئجه یاشاییم (2)
سنی گوروب عاشیق اولدوم،درده دوشموشم یاریم (2)
وفاسیزسان،سن وفاسیز،سن وفاسیز،سن وفاسیز (2)



بیر باشینا دولانیم ماهنیسی:

سن منی سووئوردون بس نیه آتدین،بو سینیخ قلبیمی یاندیریب یاخدین (2)
حسرتینن گوزل سن منه باخدئن،منی ترک ائیلدین اوزگیه گاتدین
بیر باشیوا دولانیم،گوی گاداوی من آلیم،الله سنی ساخلاصین،ساینده من دولانیم (2)
فیکرینن گئجه لر یاتا بیلمیرم،بو فیکری باشیمنان آتا بیلمیرم (2)
نینییم کی سنه چاتا بیلمیرم،سنسیز بو دونیادا قالا بیلمییرم
بیر باشیوا دولانیم،گوی گاداوی من آلیم،الله سنی ساخلاصین،ساینده من دولانیم (2)
آغلیا آغلیا هارا گئدیرسن؟اورییئوون سوزون منه دئمیرسن (2)
آغلادیم سوگیلیم دونیادان دویدوم،من سنین عشقیندن دیوانه اولدوم
بیر باشیوا دولانیم،گوی گاداوی من آلیم،الله سنی ساخلاصین،ساینده من دولانیم (2)


خالق ماهنیسی :

آلله آلله آلله، آلله آلله آلله،بودامادا ماشالله
آلله آلله آلله، آلله آلله آلله،بوعروسا ماشالله
آلله آلله آلله، آلله آلله آلله،بودامادا ماشالله
آلله آلله آلله، آلله آلله آلله،بوعروسا ماشالله
آینا شمعدان گتیرین نظر دیمز اینشالله (2)
ال طایفا گلیبدیر آغا داماد طویونا
گورن حیران اولوب گامتینا بویونا
ال طایفا گلیبدیر آغا داماد طویونا
گورن حیران اولوب گامتینا بویونا
بئی آتاسی ایزین ور داماد گیرسین اویونا (2)
آلله آلله آلله، آلله آلله آلله،بودامادا ماشالله
آلله آلله آلله، آلله آلله آلله،بوعروسا ماشالله
آینا شمعدان گتیرین نظر دیمز اینشالله (2)
{گیزلار یئغیشیبدئرعروس خانیم باشینا
دامات حیران اولور هلال کیمی گاشینا} (2)
باجیلار گول سپیری عروس داماد باشینا (2)
آلله آلله آلله، آلله آلله آلله،بودامادا ماشالله
آلله آلله آلله، آلله آلله آلله،بوعروسا ماشالله
آینا شمعدان گتیرین نظر دیمز اینشالله (2)
{گلینین آناسی،گوزلوری قیناناسی
مجلیسی توتوبدور موسیقیچی صداصی} (2)
خییر دوعاسین ور نوعروسون باباسی (2)
آلله آلله آلله، آلله آلله آلله،بودامادا ماشالله
آلله آلله آلله، آلله آلله آلله،بوعروسا ماشالله
آینا شمعدان گتیرین نظر دیمز اینشالله (2)


لاچینیم ماهنیسی محبت کاظیماودان:

2( قارتال اولوب گویلرینده اوچوم من
بولاغ اولوب توپراغیندا سورونم
یاغیش اولوب گوزلرینده چیلنم
یاخیب یاندیران لاچینیم منیم )2

لاچینیم، لاچینیم، لاچینیم منیم
لاچینیم، لاچینیم وطنیم منیم (3)

آی آمان چتینیمیش توپراخ حسرتی،اوجا داغ،سرین سو،یایلاخ حسرتی (2)
آغلایان چاغلایان هکر حسرتی سوینجیم کدریم لاچینیم منیم (2)
لاچینیم، لاچینیم وطنیم منیم (4)

(آلاهیم سولارسا بس ایله داها،اورک دوزمییر ناله یه آها
اوزوم گدممسم سسیم داغلاراحسرتیم کدریم لاچینیم منیم) 2
لاچینیم، لاچینیم، لاچینیم منیم
لاچینیم، لاچینیم وطنیم منیم (3)

آی آمان چتینیمیش توپراخ حسرتی،اوجا داغ،سرین سو،یایلاخ حسرتی (2)
آغلایان چاغلایان هکر حسرتی سوینجیم کدریم لاچینیم منیم (2)
لاچینیم، لاچینیم، لاچینیم منیم
لاچینیم، لاچینیم وطنیم منیم (3)

گیزیل گولومون،ماهنیسی (پیمان):

گیزیل گولوم،نه سولوبسان،بولوت کیمی سن دولوبسان،گورورم گوزلــــرین آغلیر نیه دونیادان دویوبسان
هئچ گورمدیم،بوزماندا،گولدرنردن محبت،نیه گوللردن آیردین ایئلدی آتی سنی بو جماعت جماعت
گیزیل گولومون رنگی نیه سارالدی،جوان آرزیلاریم،اوریئمده گالدی (2)
آغلییر گوللر،سنین حالیوه یانییر بولبوللری آلله بو احوالیوه

آغلاما سن آغلاما ائورئیمی داغلاما، آغلاما سن آغلاما ائورئیمی داغلاما
منده بیر یارالیام مونان آرتیغ آغلامــا
گیزیل گولومون رنگی نیه سارالدی،جوان آرزیلاریم،اوریئمده گالدی (2)
آغلییر گوللر،سنین حالیوه یانییر بولبوللری آلله بو احوالیوه

گولون عمری آزدئ،ناله سی آوازدی،گیزیل گولون سوزون،کیتابا کیم یازدی،کیتابا کیم یازدی (2)
منیم گولومون رنگی نیه سارالدی، ،جوان آرزیلاریم،اوریئمده گالدی
گیزیل گولومون رنگی نیه سارالدی،جوان آرزیلاریم،اوریئمده گالدی
آغلییر گوللر،سنین حالیوه یانییر بولبوللری آلله بو احوالیوه (3)

آپاردی سئللر سارامی

گئدین دئیین خان چوبانا
گلمه سین بو ایل موغانا
گلسه قالار ناحاق قانا
آپاردی سئللر سارامی
بیر اوجا بویلو بالامی

سارامیزی آییردیلار
بیزی غمله دویوردولار
هر یئتنی سویوردولار
آپاردی سئللر سارانی
بیر قارا ساچلی بالانی

آراز چایی آشدی ،داشدی
سئل سارامی آلدی قاشدی
سارا گؤزل قلم قاشدی
آپاردی سئللر سارامی
بیر قارا گؤزلو بالامی

آرتــیغین اوخوماغا بورا کلیک اِئلین
پنجشنبه 1396.1.17
بؤلوملر : آتا بابا سوزلری ,

مئشه بئیی ماهنیسی

0 گؤروش
یازار:‌ اهرلی



کئف اوستونن کئفیمیزی، کئف اوستونن کئفیمیزی
گلیب سوردو مئشه بئیی، گلیب سوردو مئشه بئیی
بویور ددی آتدان دوشدو، بویور ددی آتدان دوشدو
بارداش قوردو مئشه بئیی، بارداش قوردو مئشه بئیی
مئشه بئیی، مئشه بئیی،دردین آلیم مئشه بئیی (2)
چانتاسینی آتدی دالا، چانتاسینی آتدی دالا
لامچیسینی آتدی سولا، لامچیسینی آتدی سولا
یاواش یاواش،بالا بالا، یاواش یاواش،بالا بالا
یوزده وئوردو مئشه بئیی، یوزده وئوردو مئشه بئیی
مئشه بئیی، مئشه بئیی،دردین آلیم مئشه بئیی (2)
ایئستی کاباب،یاغئلی فطیر، ایئستی کاباب،یاغئلی فطیر
دوئیماغ المئور یئنه گئتیر، دوئیماغ المئور یئنه گئتیر
بئغلارینی آرادا بیئر، بئغلارینی آرادا بیئر،
ئشیئب وئردی،مئشه بئیی، ئشیئب وئردی،مئشه بئیی
مئشه بئیی، مئشه بئیی،دردین آلیم مئشه بئیی (2)
آتمیئش ایئلی وریئیب یئله، آتمیئش ایئلی وریئیب یئله،
دئوشمیئیب دئیرروحئدان حئله، دئوشمیئیب دئیرروحئدان حئله
گارشیئلئیدیر بیر گوزله، گارشیئلئیدیر بیر گوزله
تئزده وئردی مئشه بئیی، تئزده وئردی مئشه بئیی
مئشه بئیی، مئشه بئیی،دردین آلیم مئشه بئیی (2)
آخشام ائوستو قوپدو کولئح، آخشام ائوستو قوپدو کولئح
سیئنه سینده جوشدو اورح، سیئنه سینده جوشدو اورح
دوسلاریلا آخیراتئح، دوسلاریلا آخیراتئح
ائوزو گالدی مئشه بئیی، ائوزو گالدی مئشه بئیی
مئشه بئیی، مئشه بئیی،دردین آلیم مئشه بئیی (4)

آرتــیغین اوخوماغا بورا کلیک اِئلین
پنجشنبه 1396.1.17
بؤلوملر : آتا بابا سوزلری ,

آتا بابا سوزلری

0 گؤروش
یازار:‌ اهرلی

باش‌ اوجا خالقیمیزین‌ شیفاهی‌ ادبیاتی‌نین‌ بول‌، بول‌ ژانرلری‌ و نوع‌لاری‌ واردیر. بایاتیلار، تاپماجالار، اوخشامالار، نازلامالار،اویونلار، لایلالار و عنعنه‌لر اونلارین‌ کیچیک‌ مقیاسدا اولان‌ بیر حیصه‌لری‌دیر. بونلاردان‌ علاوه‌ «آتالار سوزو» شیفاهی‌ ادبیاتیمیزدااوزونه‌ اوزل‌ بیر یئر آچمیش‌دیر. خلقیمیز بونلاری‌ سئوه‌-سئوه‌ اوخویوب‌، سینه‌دن‌ سینه‌یه‌ ان‌ اسکی‌ چاغلاردان‌ بوگونه‌ کیمی‌قورویوب‌ بیر ده‌یرلی‌ امانت‌ کیمی‌ بو گونکو و صاباحکی‌ نسیل‌لره‌ چاتدیرمیشلار


http://bayram.arzublog.com/uploads/bayram/atababa_suzi.jpg

آج تویوخ یوخوسیندا داری گورر

دالدان آتیلان داش تو پوخدان دئییر 

  ایت هورر کاروان کئچر 

  ال الی یووار الده اوزو 

 دوز یولون یئریه بیلمیر شوخوملیقدا شیللاق آتیر

پیچاق دسته سینی کسمز

ایلان هر یئره ایری گئتسه اوز یوواسینا دوز گئدر

کچل باخار گوزگیه آدینی قویار اوزگیه

دووه اوینایاندا قار یاغار 

  تزه یونجا ائششگه باش آغریسی گتیرر 

  سیره دن قالان قوتور اولار 

 ائل گوجی سئل گوجی 

  کور توتدوقینی بوراخماز 

  اوجوز اتین شورباسی اولماز

الله ایکی یومروغو بیر باشا وورماز 

 سو آخاندا یولون تاپار

قازان هلله نیب قاپاغین تاپار

ایری اوتوراق دوز دانیشاق

بیردلی قویی یا بیر داش آتار یوز آغیللی چیخاردا بیلمز



آرتــیغین اوخوماغا بورا کلیک اِئلین
شنبه 1396.1.5
بؤلوملر : آتا بابا سوزلری ,

آتا بابا سوزلری

0 گؤروش
یازار:‌ اهرلی

·         وطنه گلدیم ، ایمانا گلدیم

·         گؤز سوز یاشاماق اولار ، وطن سیز یوخ

·         غریبی وورموشلار ، " وای وطن " دئمیش

·         غربت یئردن وطن اولماز

·         غربت گؤرمه ین آدام ، وطن قدرینی بیلمز

·         کؤچن یوردون قدرینی ، دوشن یئرده بیلر لر

·         ائل ایگیدلری ایله تانینار

·         ائل ایچینده ، اول ایچینده

·         ائل یاندیران شمعی سؤندورمه ک اولماز

·         ائل گوجی ، سئل گوجی

·         ائلی اولمایانین ، دیلی ده اولماز

·         ائلین آتدیغی داش ، اوزاق گئدر

·         اوزونی خالقا چئویره نین آرخاسی محکم اولار

·         بیرلیک هاردا ، دیری لیک اوردا

·         گوج بیرلیک ده دیر

آرتــیغین اوخوماغا بورا کلیک اِئلین
شنبه 1396.1.5
بؤلوملر : آتا بابا سوزلری ,

آتا بابا سوزلری

0 گؤروش
یازار:‌ اهرلی

http://bayram.arzublog.com/uploads/bayram/BAYRAM_1.jpg
گوزل دیلداشلاریم  ایندیجن بو اتا بابا سوزلرین بیر یرده ایشیتیب سیز
خاهیشیم وار اگر ایشیتسز باخیش قیسمتینده بویوراسیز  تشکرلر

آرتــیغین اوخوماغا بورا کلیک اِئلین
یکشنبه 1395.12.29
بؤلوملر : آتا بابا سوزلری ,

آتا بابا سوزلری

0 گؤروش
یازار:‌ اهرلی

http://bayram.arzublog.com/uploads/bayram/BAYRAM.jpg

آرتــیغین اوخوماغا بورا کلیک اِئلین
یکشنبه 1395.12.29
بؤلوملر : آتا بابا سوزلری ,