کیمده واردیر گؤزلیم،
سنده اولان جاذبه‌لر
سنه دنیاده مگر، عاشق اولاندا، غم ائلر؟
بسدیر اولدورمه‌یه جکسن، گؤزلیم دنیانی
هر اوزی گؤیچک اولاندا، بوقدر چم خم ائلر
اینجیمه گؤزیاشیم، آخسا سنی گؤردوکده گولوم
گول آچیل‌دیکده باهار فصلی بولود شبنم ائلر
ناز و غمزه‌ن، یئریشین، شوخ باخئشین، عالم‌دیر
بیرده زولفون اوزه توکسؤن اودا بیر عالم ائلر
حیف سن، گزمه یاراشماز سنه بیگانه‌ایله
او آچیب سرّینی دونیایه سنی، محرم ائلر
«واحدم» عمریمی من عشقیله صرف ایله‌میشم
عشق یا اؤلدورر آخر منی یا، آدم ائلر
شاعر: علی آقا واحد