بایـــــرام

منیم حورمتلی دیلداشلاریم بیزی اوز باخیشلاریزینان سویوندورون

نیسگیلی قوشما

+0 بئیندیم
0 باخیش
0 گؤروش
یازار:‌ اهرلی


بیر گون قاباغیمی کسه‌جک اؤلوم
ذره‌جه عئینیمه گلمیر اؤلمه‌ییم
ائله اوتانیــــرام گله‌سن گولوم
سنین آیاغینا دورا بیلمه‌ییـــم...

 شاهمار اکبرزاده

آرتــیغین اوخوماغا بورا کلیک اِئلین
جمعه 1401.1.26
بؤلوملر : تورکی شعرلر ,

تورکی شعر

+0 بئیندیم
1 باخیش
0 گؤروش
یازار:‌ اهرلی


بیر اوتوزموش پاشانین بوش قالاسین گؤر منی گؤر
یوواسیندان ییخیلان قوش بالاسین گؤر منی گؤر

ایلین آخیر گئجه سینده آتاسیز بیر اوشاغین
اوتانیب اللری بوم بوش آناسین گؤر منی گؤر

منی دیندیرمه دانیشسام سنی پئشمان ائده رم
دینامیت بومباسینین پاتلاماسین گؤر منی گؤر

باجاغیندان آسیلان داردا جلالتلی شئرین
داملا داملا قانینین داملاماسین گؤر‌ منی گؤر

منه سندن سورا دونیادا غمین نئیله یه جک
سؤز یازاندا قلمین آغلاماسین گؤر منی گؤر

یومورام سندن اؤتور گؤزلریمی آرزولارا
سارانین سئللره بئل باغلاماسین گؤر منی گؤر


رحیم اصغرزاده تکین

آرتــیغین اوخوماغا بورا کلیک اِئلین
پنجشنبه 1401.1.25
بؤلوملر : تورکی شعرلر ,

دومان بختیاری دن بیر قوشما

+0 بئیندیم
0 باخیش
0 گؤروش
یازار:‌ اهرلی


بئینیمده ساوالان، گؤزومده آراز،
یول آلیب گئدیرم؛ دوماندا، چن‌ده.
دردیمی سیزلاییر بیر صدفلی ساز،
نسیگیله بویانیر ماهنی دا، من‌ ده.

ساغیم دا یارادیر، سولوم دا یارا،
باغلانیب آیاغیم، کؤچه بیلمیرم.
سنه کؤرپولنن قولوم دا یارا،
بو سینیق کؤرپودن کئچه بیلمیرم.

اوزومو دؤندریب خزره ساری،
سینیرام ایچیمده آیلی بیر گئجه.
گؤزومده سورگوندو دورنا قاطاری،
یایلیم‌لی بیر گئجه، یایلی بیر گئجه.

حسرتله دایانیب بیر آه چکیرم،
آرزیمی گؤزومده سئله دؤندریر.
ساحیلدن-ساحیله گوناه چکیرم،
 باغریمی یاندیریب کوله دؤند‌ریر.

بیر قوشما یازیرام، یاریسی سودا-
یاریسی تورپاقدا اود توتوب یانیر.
بارماغیم آز قالیر سنی اونودا،
بلکه ده وئردیگی ایلقارین دانیر.

بلکه ده یازیمیز یازیلمیش بئله،
بلکه ده ساوالان سیغماییر منده.
اوره‌ییم توخونور تیکانلی تئله،
«دومان»دا، یاغیشدا، بوراندا، چن‌ده...

دومان بختیاری

آرتــیغین اوخوماغا بورا کلیک اِئلین
پنجشنبه 1401.1.25
بؤلوملر : تورکی شعرلر ,

یئنی قرن موبارک

+0 بئیندیم
0 باخیش
0 گؤروش
یازار:‌ اهرلی


ایسته سن شاد اِئده سن میللتی بایرام گئجه سی ؛
یوخسولون قویما گِئده حؤرمتی بایرام گئجه سی ؛
ایسته سن ثروتیوی خرج اِئده سن یاخشی یئره ؛
یول یاخین دیر اوزاغا گِئتمه نه داغ وار نه دره

 یئنی ایلینیز موبارک اولسون

 سال و قرن جدیدتان مبارک باد

آرتــیغین اوخوماغا بورا کلیک اِئلین
چهارشنبه 1401.1.3
بؤلوملر : ایل بایرامی,
وبلاقا گؤره


تورک وبلاق ، عزیز تورک دیلداشلاریما

سون یازیلار
بؤلوملر
آچارسؤزلر
سورغو
  • سویرسیز تورک ویبلاق لاریندا نده چوخلی مطلب قویولا ؟
باغلانتی لار
ساخلانج
سایغاج
  • ایندی وبلاقدا :
  • بو گونون گؤروشو :
  • دونه نین گؤروشو:
  • بو آیین گؤروشو :
  • بوتون گؤروشلر :
  • یازیلار :
  • باخیشلار :
  • یئنیله مه چاغی :
تام حقوق لار قورونور. آرزوبلاق دان گوج آلیب.