یاز بیر اتک گوزل چیچک  الده    خومار گلیر

بیرده  طبیعت اگیننه الوان لباس گییب

قار بوز دولاندی اولدی سو چایلار آخار گلیر

جیبلر ده اولسا بوش گولوشور  دیل دوداق هله

بیر یول نفس باتاندا تازاشدان ناچار گلیر

بو روزگاریده قوناقی نیلوری کاسیب

همسایه لر نظامیله مثل قاطار گلیر

یاتندان چیخیب نه رنگیدی موز نیلیک هله

سر کوچه ده مغازیه الما خیار گلیر

ایستور اوشاخ باباسینی بیر دیندیره ولی

شیرین سوزی مذاقینه چون زهر مار گلیر

امکانی یوخدی باشدا کی بورکون عوضلیه

باش گوز شیشب دی بورکوده باشینه دار گلیر

بایرام گلیر ولی آپارور هر نه ایوده وار

بیر یول قوناق گئدنده  مصیبت هزار گلیر

کونلوم داریخما  اچ جیبوون اغزین هله

اول منتظر بهار گلیر نازلی یار گلیر

یارادانی :هوشمند

بایرام قوناخلاری
افتخارلی تورک میلتی همشه قوناخ سویمک ده آد آچیب  و بو ایشی بهترین حالتده یرینه یتریب


ایشالله هش بیریمیز کدر گورمیک ینی ایلده
خالقم اولسون بختور ینی ایلده


بو ایل آلت ایلینن دیرلی اولسون

تورکی آذربایجانی
Yeni iliniz mübarək

تورکی استانبولی
Yeni Yılınız Kutlu Olsun

انگلیسی

Happy new year

عربی
سنة جدیدة سعیدة

کردی
Sersal Happy

دونیانین بیر چوخ ادبیاتیندا اولدوغو کیمی ؛ ائله جه ده آذربایجان ادبیاتیندا دا بایرام سوزونه اوزل بیر یئر آچیلمیش و شاعیرلریمیزین بیر چوخو بایرام حاقدا شعرلر قوشموش و یا شعرلرینده یئری گلدیکده بایراما ایشاره لری اولموشدور . آشاغیدا تقدیم ائده جه یمیز بیت لر اونلارین بلکه ده مین دن بیری حسابلانا بیلر

شیروانلی عماد الدین سید علی نسیمی:
باهار اولدو گل ای بولبول تماشا قیل بو گولزاره
بوراخدی غنچه لر پرده بشارت وئردی بو زاره
شقایق پرده دن چیخدی بویاندی باغ ایله بوستان
ایریشدی گولشنین حوسنو بویاندی رنگ ازهاره

قاسیم بیگ ذاکر:
بایرام گونودور ذوق و صفاخانه لر ایچره
جانانیم اوتورموش نئچه جانانه لر ایچره




شبسترلی میرزه علی معجز:
بایرام گونو دوشابی توکنده پیاله یه
قورخوم بودور کی شیربینینجی اوشاقلار یارالی یه

میر مهدی سید زاده:
بیر قوش اوچدو بیزیم باغا
سحر – سحر اوخوماغا
قوندو یاشیل بیر بوداغا
دئدی گوزل بایرام گلیر

استاد سید محمد حسین شهریار :
بایرام ایدی گئجه قوشو اوخوردو
آداخلی قیز به ی جورابین توخوردو
هر کس شالین بیر باجادان سوخوردو
آی نه گوزل قایدا دی شال ساللاما
به ی شالینا بایراملیغین باغلاماق

آذربایجاندا اوخونان بیر ماهنی دان :
گل عیش ائده ک بیر سورمه چک گوزه بایرام گونلری
آغ اوزونو گول یاناغی به زیر بایرام گونلری
شهلا گوزون ؛ گونش اوزون ؛ شرمنده قیلیر ماهی
گل قدح له بیر نوش ائدک تزه بایرام گونلری

رحمتلی کوندورولو عاشیق قشم جعفری :
سیاه تئللر چولقانیبدیر شالا بایرام گونلری
عاشیق اولان مجنون کیمی ایسته دیگین آختارار
قیزلار توکر هوروکلرین دالا بایرام گونلری
باخ گوزل لر گئیینیب لر آلا بایرام گونلری



رحمتلی مجید یالقیز :
... چون یاخشیلیغا آدین چیخیب دیر
چک پیسدن اوزون کناره بایرام
طبعین بو طبیعتین دیشدین
قیش دوندو گوزل باهاره بایرام
ائتدین گئجه گوندوزو برابر
احسنت بو اقتداره بایرام
بیر گوزده گوروبدو قویمادین فرق
لیل ایله بو گون نهاره بایرام

رحمتلی سردریلی محمد افتخاری:
ایسته سن شاد ائده سن میللتی بایرام گئجه سی
یوخسولون قویما گئده حورمتی بایرام گئجه سی
ایسته سن ثروتیوی خرج ائده سن یاخشی یئره
یول یاخین دیر اوزاغا گئتمه نه داغ وار نه دره
یوخسولون خرجینی چکمک له قیزین سن وئر اره
چوخ اوزاتما  آرادا صحبتی بایرام گئجه سی
 
رحمتلی اوستاد حمید سخا مهر:
... بایرامین صحبتی اولدوقجا اوشاقلار سئوینیر
سانکی عاشیق ائوینه سئوگیلی جانان گلیری
ایندی دن منده سیزه بایرامی تبریک ائدیره م
گورورم پنجره دن شاد و خورامان گلیری

رحمتلی اوستاد عباس بارز:
یوزلر ایل دیشیله یوز بایرام گله
احساسیم بوغماسا اولمه ره م حله
سالیر مین فیرتانا قورور مین تله
بیزی آللاتماغا نوروز بایرامی

اوستاد حاج موسی هریسی نژاد :
بایران دی اصل آدی سوران اولسا کنهونی
قازلام شاه عصری صادر اولوب بو آدا جاواز



حاج علی عطائیه ( نجار اوغلو ) :
یوخسول اوز حقینه چاتسا اونا بایرام اولاجاق
زحمت ایله قازانان پوللاری جیبده قالاجاق
توتاجاق بایرامی چرشنبه ده چیلتیک چالاجاق
نجار اوغلو گوره جک اولکه ده بایرام اولورو
دئییری شنلیک ایله یوخسولا بایرام گلیری

بایاتلی محمد فضولی :
انتظار مئی گلرنک ایله بایرام آیینا
باخا – باخا ائنه جک دیر گوزوموزه قاره سو

بیر ماهنی دان :
بایرام گلیر ائلیمه ائلیمیزه
نغمه دوشور دیلیمه دیلیمیزه
کونول گولور ائلیم گولور . گولور گوزل دیاریم
چالیر تارین چالیر سازین . گولور ائللر گولور

ناظیم حکمت :
"من کی پرومته دن آلیب آتشی
نینوانین ظولوم سارای لارینا سالمیشیم
و اولئمپوس قارتاللارینین پنجه سینده
قانایان اورگیمی
 بیر نوروز باهاریندا سئودالارا سارمیشیم .
اللرینده بانا باهارلار گتیر
جویل- جویل بیر گؤروش گونونده اولسون
بیر مکتوب گؤندر بانا باهار دادیندا
بایقین بایقین اولکم قوخوسون"

توپلایان : آقای همراز

ای قلب لری گؤزلری تغییر وئرن الله
گؤندوز گئجه نی بیر بیرینه دؤنده رن الله
لطفیله بیزیم حالیمیزی یاخشی حال ایله
ای ایشلری تدبیریله احسن گوره ن الله

تازا ایلده. سیزه گون کیمی پارلاق، چای کیمی آخارلی حیات آرزولایرام

بایرام گوزللیک دیر ، گوزللیک لر سیزین اولسون ، بایرام اوموددور ، اومودلرینیز گرچک اولسون ، ایل بایرامینیز موبارک اولسون

 سیزه چوخ عزیز و دیرلی اولان ایل بایرامین تبریک ائدیرم.سیزه جان ساغلیغی، سوفره نیزین بول و برکتلی اولماسین آرزو ائدیرم، قوی بوتون آرزولارینیز یئرینه یتشسین، تورک بایرامینیزی تبریک ایدیرم!!!

کونلومده وار مین آرزو مین بیر دیلک،       گل باریشاق نازلی یاریم کوسمیک

با هم اولاق بایرام گونو بیز گرک                بایرام گونو اولسون سنه موبارک

بایرامینیز موبارک ! نئچه بئله بایراملار . قوی بو یئنی ایل سیزه و آیله نیزه سئوینج ، اوغور گتیرسین . بوتون کدرلی گونلرینیز بو ایلده قالسین . یئنی ایلده گوزل و شن گونلره چیخاسیز

بولودوز یاغار اولسون ، سولاریز آخار اولسون ، اوجاقیز یانار اولسون ، نوروزبایرامینیز موبارک اولسون

"یئنه گلیر نازلی باهار ، نازلی یاز

هامینین یازیسین بو ایل یاغلی یاز

جان ساغلیغی ، جیب وارلیغی ، اولوم آز

مهریبان آللاهیم ، بئله یازی یاز."

"تازا ایلینیز موبارک اولسون."

yenə gəlir nazlı bahar nazlı yaz

hamının yazısını bu il yağlı yaz

can sağlığı cib varlığı ölüm az

mehrıban Allahım belə yazı yaz

yeni iliniz mübarək olsun