بایـــــرام

منیم حورمتلی دیلداشلاریم بیزی اوز باخیشلاریزینان سویوندورون

جاوید اولدوز (پروفسور محمد تقی زهتابی حاققیندا)

0 گؤروش
یازار:‌ اهرلی

http://bayram.arzublog.com/uploads/bayram/2zehtabi.jpg

پاییزین سون گونلری قار بیاض لچه‌یینی شبسترین چای محلله‌سینین اوزینه چکدییی زامان یئنی بیر مولود کیریشچی عاییله‌سینه آیاق قویدو. کیریشچیلیک (زهتابلیق) ایله عاییله‌سین دولاندیران آتاسی قورآنین ایلک صفحه‌سینده بیر آد و تاریخ قئید ائتدی، محمدتقی ۱۳۰۲ اینجی ایلین، آذر آیینین ییرمی ایکینجی گونو.

گونلر گلیب کئچدییینده محمدتقی ده آلتی یاشینا کئچرک باجی‌سی ایله برابر قادین‌لارین قورآن مکتبینه آیاق قویدو، قورآنی اوخویوب چیخدیق‌دان سونرا تورکجه یازیب اوخوماغی اؤیرنیب، ۱۳۰۹ -جی ایلده شبسترین دولتی مدرسه سینه آیاق قویدو .

۱۳۱۵-جی ایلده ایلک مکتب تحصیلاتینی بیتیردیک‌دن سونرا آتاسی طرفیندن تحصیل‌دن منع اولونان محمدتقی ایکی ایل تامام اکینچیلیک ها بئله کیریشچیلیک پئشه‌لرینینه اوز توتدو. آنجاق ایکی ایل‌دن سونرا گیزلی شکیلده تبریزده قارداشینین ائوینده یئرلشیب، اوچ ایل تامام، ۱۳۲۰-جی ایله قدر تبریزین فیوضات مدرسه سینده ۹ -جو صینیفا قدر تحصیل ائتدی.

۹ -جو صینیفی بیتیردیک‌دن سونرا، تبریز مقدماتی کالئجینه یول تاپاراق ایکی ایل سورن تحصیل بؤلومون بیتیرن محمد تقی ۱۳۲۲ و ۲۳ ایللری آراسیندا رشدیه و تربیت اوخول‌لاریندا معلم‌چیلیک پئشه سینین آردینی توتدو.

۱۳۲۰-۲۴ ایللر آراسی حاج یوسف مکتبینده عربجه شعرلری ها بئله کاتولیگ‌لر کلیساسیندا فیرانسه دیلینه تسلط تاپیب، ۱۳۲۵ اینجی ایلده، آذربایجان میللی حکومتی طرفیندن قورولان تبریز بیلیم یوردونون ادبیات فاکولته سینده، اؤیرتمن اولاراق ایشه آلینیب همن اونیوئرسیته‌نین، ده ایلکین اؤیرنجی لریندن اولدو.

شاه طاغوت رئژیمینین آذربایجانا باسیقنی اساسدا باش وئرن میللی حکومتین اینحیلالی، محمد تقی‌نی ایسه چوخلو آزادلیق تشنه‌سی اولان آذربایجانلی‌لار تک شوروی سووئت بیرلییی‌نین سورگونونه آتدی. آنجاق محمد تقی ۱۳۲۷ اینجی ایلینده تورکجه دیلینین ادبیات و تاریخ بارده تحصیل آپارماق اچون باکی یولونو قارشیا توتدو. تحصیلین‌دن نئچه آیدان آرتیق سورمه‌یه‌ن محمد تقی توده حیزبی‌نین ایشارت ایله توتوقلانیب ایکی ایل حبس حوکمو ایله یارقیلاناراق سیبری‌یایا سورگون ائدیلدی. اوچ ایل سیبری‌یادا سورگونوندن سونرا سووئت بیرلیی‌نین حیزبی محکمه‌سی طرفیندن تاجیکستانین دوشنبه شهرینه سورگون ائدیلدی.

سونوندا عومرونو ۶ ایلینی تبعید‌ده خرجله‌یه‌ن محمد تقی زئهتابی نهایت ۱۳۳۳(۱۹۵۴) ایستالینین قانلی دؤنه‌مین‌دن سونرا، اؤزونو باکیا چاتدیریب بو شهرین دوولت اونیوئرسیته سینین دیل و ادبیات فاکولته سینده تحصیل آلماغا باشلادی.

آیریجا بو ایل دن عیبارت بو اونیوئرسیته‌نین شرق شیناسلیق فاکولته‌سینین بیلیم قورولونا سئچیلن محمد تقی، عربجه دیل و ادبیات اؤیرتیمنه باشلادی. ۱۹۶۹ -جو ایلده (ابو نواسین یاشام و دوشونجه لری) حاقدا اولان دوکتورلوق تئزیندن مودافیعه ائدرک پی اچ دی اوغورونو قازانمیش اولوب اوچ ایل سونرا دوچنت لقبین الده ائتدی.

بو ایللر آراسی دوهتور خاور آسلان ایله تانیشیب عاییله حایاتی قورماغا قارار وئردی، آذر و بابک قورولان بو عایله نین ثمرلرین دن دیر.

سونوچ دا دوهتور محمد تقی زهتابی آدی ایله تانینان بو دیل و ادبیات اوستاسی ۱۳۵۰ اینجی ایلده شوروی سووئت‌لر بیرلییینی عیراق مقصدی ایله ترک ائدرک بغداد علمی اونیوئرسیته سینده اسکی تورکجه ایله فارسجا دیللری نین اؤیرتمنلییینه باشلاییب ۱۳۵۷ اینجی ایلده علمی اثرلر خلق ائتمک واسیطه سی ایله، بغداد اونیوئرسیته سی طرفین دن پوروفوسورلوق علمی مقطعینی الده ائدیب دونه لرجه آلمان اؤلکه سینده علمی کنفرانس لارین یارایدیجی سی اولدو.

ایللرجه سورگون یاشایان پوروفوسور زئهتابی نین اؤریی وطن حسرتینده چیرپینیب دویونوردو آنجاق بو ایللر ایچره محمد تقی نین کونلونو سیخیب قان ائدن توپراقیندان، دوغما یوردوندان، دیاریندان کنارا آتیلماسی میش.

آذربایجان دیل و ادبیات حاققیندا معاریف‌لشمک( منحوس شاه رژیمینین دونمینده ایمکانسیز اولان) آماجی ایله سورگون یاشایان محمد تقی زئهتابی نین ،باشقا اؤلکه لرده یاشام سورمیه بیر ندنی قالمامیشدیر. او اؤلکه سینه دؤنمک، معلوماتی نی، الده ائتدییی علمی مداریجی اؤلکه سینه، میللتینه وقف ائتمک ایستییردی.

ایران ایسلام اینقیلابی نین ظفره چاتماسی ایله محمد تقی وطنه قاییدیب وطن داشلاری آراسیندا یاشاماق ایمکانینی بیرده الده ائتدی. بو بارده ایسه یازدیغی عریضه واسیطه سی ایله، اؤلکه یه دؤنمک ایذنی آلان محمد تقی ۱۳۵۸ اینجی ایلده تبریزه داخیل اولدو. بو ایلده ایسه تبریزین اونیوئرسیته آذربایجان دیل و ادبیات فاکولته سینین تشکیل تاپماسی ایله، بو فاکولته نین علمی قورومونا آلیناراق تورک و عربجه دیللر اؤیرتمنلییینه باشلادی.

آنجاق ایکی ایل سورمه‌یه‌ن بو اوغور توده حیزبی‌نین اوستادا دویدوغو، کین واسیطه سی ایله سونا چاتیب، پوروفوسور اینقیلاب محکمه سی طرفیندن دورد ایل حبس حؤکمو ایله یارقیلانیب بوتونلوکجه اونیوئرسیته دن ده اؤیرتیم دن ده محروم اولوندو.

آنجاق اوستاد دوروما باش اه‌یمییه‌رک شبستره کؤچوب، اؤز‌ آتا ائوینده یئرلشرک موطالیعه، آراشدیرما و الده ائتدیی علمی سونوچلارین یازماسی ایله مشغول اولدو.

سونوچدا پروفوسور دوهتور محمد تقی زهتابی، آلمان سفرین دن دؤندوکدن سونرا، ۱۳۷۷ ایلین خزانین سونجو گونو، قیشین بیاض لچه‌یی دوغوم گونو تک آذربایجانی بوروین زامان، قلب کریزی کئچیرمه سبب ایله دونیاسینی ده‌ییشه‌رک شبیستر ده آذربایجانین علمی-کولتوریک شخصیت لرینین حضور ایله توپراغا تاپشیریلدی.

بئلجه بوتونلوکجه عؤمرونو وطن اعتلاسینا وقف ائدن دوهتور محمد تقی زهتابی توپراغا یوخ بلکه آذربایجان میللتینین جاوید تاریخینه، ادبیاتین نین پارلاق دان اولدوزونا چئوریله رک آذربایجان میلتینین کونلونه تاپشیریلدی.

 

داورانیش اؤزللیک‌لری

عوموروندن ۷۵ ایل کئچن گنج اورکلی اوستادین داورانیشلارینی گؤروب اونو ۲۰ یاشیندا ساناردین.

سیماسیندا یورغونلوق دان اثر اولان بیر نیشان بولا بیلمک ایمکان سیزایدی. گنجلر آراسیندا داورانیش لاری ایله بوراخدیغی ایز همصوحبت لرینی چکیجیلیک ایله کندینه باغلاییب، بو چکیجیلیک اونون آدینی آذربایجان گنجلر ها بئله اؤیرنجی لری آراسینا یایمیشدی.

یاشامی چوخ ساده اولان اوستادین نه ائوینده نه گئیینیشینده سوورقانلیق‌دان آسیلی اولان بیر ایز بولا بیلمزیدین. او ساده و صمیمی یاشاییب، هرزامان ایسه بو ساده‌لییه فخر ائدردی، بیلمه‌دییی قونولار باره کندین‌دن ایرتیباط سیز جاواب یاراتماییب، بسیط آراشدیرمالاردان سونرا سورونون جاوابینی دقیقا وئرردی.

میللی حاق‌لاری اؤنمسه‌مه‌مه‌یی شرق میللت‌لرینین گئری‌ده قالماق عامیلی سایان دوهتور زئهتابی، بو فضانین آرادان گئتمه‌مک باره‌ده، طبیعی ایستعداد لارین کور اولماسینا اینانیردی.

آذربایجان ادبیاتینین، پارلایان اولدوزو

موعاصیر نیمونه‌ده محمد تقی زهتابی نین شعرلری، معنالی باخیم دان درین ها بئله او باره‌ده ایسه، موعاصیر دؤنم ده اونو تورکجه شاعیرلر آراسیندا بدل‌سیز شاعیلر سیراسیندا آد چکمک اولار.

آذربایجان تورکجه ادبیاتیندا بوللو علمی ها بئله چوخونلوق بیلگی‌لری کیمسه نین گؤزوندن ایراق اولمایان اوستادین نه تکجه گونئی آذربایجان بلکه، آذربایجان جومهوریتی، تورکیه، آلمان، سوئد و… اؤلکه ده ایسه طلبه لر تربیت ائدرک علمی اثرلری ایسه بو اؤلکه لرده یایینلانمیشدیر.

دهتور محمد تقی زئهتابی شوبهه سیز سون یوزونجو ایلین ان شاخص تورکجه دیل شیناسی سایا گتیرمک اولار.عومورون سونونا قدر آذربایجان دیل و ادبیات صینیف لری قوران پوروفوسور بو ساحه ده، ۲۰ ایل بویونجا مینلرجه اؤیرنجی نی یئتیشدیرمیشدیر.

پوروفوسور زئهتابینین بو حاقدا مکتوب اثرلری، اؤزل شکیلده، ـ آذربایجان ادبی موعاصیر دیلی ـ فونوتیک، یازی قوراللاری» (تبریز)، «موعاصیر ادبی آذربایجان دیلی‌ ـ سس، صرف» (تبریز)، «علم المعانی ـآذربایجان تورکجه سینین لکسیکولوژی سی» (تبریز)، «قوی اولسون اون» (حیکایه توپلوسو ـ تبریز )، اوستاد «قواعد الفارسیه» (به زبان عربی ـ بغداد) ،آیریجا سایدا چوخلو یاییملانان مقاله لری گونلوک، درگی لرده اؤزللیکجه وارلیق، امید زنجان، پیام اورمیه و … نشر اولونان آثاریندان ساییلیر.

آنجاق اوستادین علمی بیلیمینین یوکسک لییینه ایناراق، تاریخ باخیم دا ان اساسی تخصصوص صاحیب لریندن ساییلیر.

پوروفوسور زهتابی دن اؤنملی بیر اثر ان قدیم دؤنم دن ایسکندر هوجومونا قدر، ایران تورک لرینین اسکی تاریخی نین بیراینجی جیلدی پوروفوسور زئهتابی نین وفاتیندان نئچه آی اونجه یایین لاندی. بو کیتابین ایکنجی جیلدی ایسه پوروفوسورون وفاتیندان سونرا، اونون بیرچوخلو باشقا اثرلری تک اوستادین اؤیرنجی لری طرفدن نشریات مرکزینه تاپشیریلدی.

طاغوت دؤنمینده پهلوی عاییله سینین شوونیستی تفککورلار اساسیندا، بو خاندانا باغلی عالیم لر طرفیندن تورک سویلو توپلوملار ساختاکارجاسینا دانیلیردی، آنجاق بو اینکار غالیب تفککورا چئوریلمه‌ییر و تورک سویلو توپلوم لار هر زامان دوشونجه لرده تاریخین ایلکین امپراطورلاری تک قالارگی لاندیلار.

بو ۸۷۰ صفحه لیک کیتابدا اولوسلار، دیل شیناسلیق پارامترلری ایله، ایلتیصاقی، تحلیلی (قالیبی) و آیریجا هیجایی بؤلوم لره بولونوب لر.

تورکجه، فنلانجا، مغولجا دیللر ایلتیصاقی ـ فارسجا، انگلیسجه، عربجه دیللر تحلیلی آیریجا چین دیللری تک دیللر هیجایی دیللر سیراسیندا بولونموشدولر.

بو کیتابین مولیفی مقامدا چیخیش ائدن پوروفوسور زئهتابی بو کیتابین تالیفی حاقدا باشقا دیللرده اولان منابع دن فایدالاناراق،تاریخ آیریجا دیل یارادیجی لاری اولان سؤمئرین ایلتیصاقی دیللی اولدوقلارینا دایاناراق، سؤمئر دیلینی، آذربایجان تورکجه سینین کوکو اولدوغونو ایثبات ائتمیشدیر.

ائلجه ده بو کیتابدا، هیند اوروپایی لرین ایرانا کؤچلری باشلامیشدان اول دؤنم لره ایشاره ائدیلرک، چوخلو منابیعه دایاناراق، آزربایجان و ایران سرحده لرینین باتی بولومون ده یاشایان

ایلام، قوتی، لولوبی‌، اورارتور، کاسسی‌، اوتی‌، ماننا سونوچدایسا مادلار تمدن لارینین ایلتیصاقی دیللی اولدوقلاری ایثبات ائدیلیب دیر.

اونملی تاریخ قونولاری اوزره دانیشان بو کیتاب، منطق، استناد، آیریجا سندلر اوزره قورولان بحث لردن مکمل اولاراق یارانمیش دیر.

 

پروفسور محمدتقی زئهتابی نین مکتوب اثرلری

موختلیف عئلمی-ادبی آلانلاردا اوزمان اولان پوروفوسور محمد تقی زئهتابی باشاراتلی مورخ آیریجا تشبوثلو شاعیر اولاراق تورکجه ادبیاتیندا دا هامیدان اوزمان شکیلده چیخیش ائدیردی.

تورکجه، عربجه، فارسجا، روسجا و فیرانساجا دان تشکیل اولان ۵ دیله تسللوطو اولان پوروفوسور، ایللرجه بو دیللرده تدریس ائدرک اویرنجی لر یئتیشدیرمیش دیر. آیریجا، شئیر، حیکایه، موختلیف باره لرده کیتاب ها بئله مقاله لر پوروفوسوردان یاییملانمشدیر.

ایتتیحاد یولو آیلیقئ (ماهنامه اتحاد یولو) – بغداد

آذربایجان تورکجه‌سی‌نین نحوی – تبریز

پروانه‌نین سرگوذشتی (سرگذشت پروانه) ـ بغداد

باغبان ائل اوغلو (شعر شکلینده مشروطه حرکاتینا باخیش آیریجا ایران وطنداشلاری ها بئله آزربایجانین ایستعمارا قارشی قیامی و ۱۱ آیلیق جنگل سردارلارینین تبریزلی حوسئسین خان باغبان باره سینده شعر شکلینده یارانمیش بیر اثر.) ـ بغداد

چریک افسانه‌سی (افسانۀ چریک) ـ بغداد

بذ قالاسیندا (در قلعۀ بذ) ـ برلین

بختی یاتمیش (بخت خوابیده) ـ بغداد

ارک هفته‌لییی (هفته نامه ارک) – برلین

هستی نسیم (فارسجا)- بغداد

شاهلارین ۲۵۰۰ ایللیک جنایت لری(فارسجا) – بغداد

آیا زبان فارسی به زبان ملل دیگر ایران برتریت دارد؟ – بغداد

قواعد الفارسیه – بغداد

معاصر آذری ادبی دیلی – تبریز

آزربایجانین تورکجه موعاصیر ادبی دیلی – تبریز

علم المعانی، آذربایجان تورکجه سینبن لکسیکولوژی سی(فارسجا)- تبریز

قوی اولسون اون (حیکایه توپلوسو) – تبریز

باغبان ائل اوغلو – تکمیل شده ـ تبریز

ایران تورکلری‌نین اسکی تاریخی (تاریخ دیرین ترکان ایران) ۱ و ۲ – تبریز

شاهین زنجیرده (شاهین در زنجیر) ـ تبریز

علی آغا واحیددن خاطیره‌لریم – تبریز

دورنا نیوز

آرتــیغین اوخوماغا بورا کلیک اِئلین
جمعه 1396.1.25
بؤلوملر : آدلی سانلیلار ,

آتا بابا سوزلری

0 گؤروش
یازار:‌ اهرلی

http://bayram.arzublog.com/uploads/bayram/3631-illustration-of-a-gold-design-pv.png

      ساغ اَل  وِرَنی ، سول اَل  گَرَح  بیلمیه

آرتــیغین اوخوماغا بورا کلیک اِئلین
پنجشنبه 1396.1.24
بؤلوملر : آتا بابا سوزلری ,

آنا دیلینین حقینده

0 گؤروش
یازار:‌ اهرلی

سلاملار و سایغیلار

📚لاتینجا باشارمایانلار و یا لاتینی یانلیش یازانلار یا لاتین جا یازیشماغا کونوللو اولانلار بو یازینی اوخویوب و تکرارلاسینلار.
ANA_DILI

آنا دیلیمیزین 32 حرفی وار 23  سس سیز و 9 سسلیدیلر.
 9 سسلی حرف  2 یئره بولونور اینجه سسلی و قالین سسلی

1.Aa/آ=Ana(آنا (قالین سسلی حرف
2.ə = əskər (اینجه سسلی حرف
3.Bb/ب
4.Cc/ ج
5.Çç /چ
6.Dd/د
7.Ee= ( اینجه سسلی حرف
8.Ff /ف
9.Gg/ گ
10.Ğğ/غ
11.Hh/ه
12.İi/(اینجه سسلی حرف ای)=indi
13.Iı (قالین سسلی)=ıldırım
14.Jj/ژ=jandarm/ژاندارم
15.Kk/ک
16.Ll /ل
17.Mm/م
18.Nn/ ن
19.Oo (قالین سسلی حرف) ox  اخ
20. Öö(اینجه سسلی حرف)özgə/اوزگه
21.Pp/پ
22.Qq/ق
23.Rr/ ر
24.Ss/س
25.Şş/ش
26.Tt/تا
27.Uu(قالین سسلی حرف)uzun/اوزون
28.Üü(اینجه سسلی حرف)üstündə/اوستونده
29.Vv/و
30.Xx/خ
31.Yy/ى
32.Zz/ز

ANA_DILI

بس بیلدیک آنا دیلیمیزده 9 سسلی حرف وار

قالین سسلی لر:a  ı  o  u 
 اینجه سسلی لر: ə  ö  ü  i  e

آنا دیلیمیزده بیر یاسا (قانون)وار [آردیجیلیق] آدیندا آردیجیلیغین فارسجاسی (هماهنگی صداها)اولور.

آردیجیلیق ندیر؟
آردیجیلیق بیزه دئیر بیر تورک سوزجویو(واژه)ایچینده هم قالین سسلی حرف هم اینجه سسلی حرف گتیره بیلمریک یا او سوزجوکده اینجه سسلی حرفلر گلمه لیدیر یا قالین سسلی لر.

یانلیش اورنک
Düman
ü(اینجه سسلی)+a(قالین سسلی)

بوردا اینجه سس قالین سسه قاتیشیب و آردیجیلیق یاساسیندان جیخیب بس یانلیش.✖️

دوغرو اورنک
Duman
u(قالین سسلی)+a(قالین سسلی)
هر ایکی ایشله نن سسلی حرفلر قالین سسلی بس دوغرو.✔️


چوخلو یانلیش اولان :
اوسته دئدیگیمیز حرفلرده شومارا 12/13 ده
ı  /  i
ایکی فرقلی سس دیلر
i   indi /istək
ı  ıldırım/ışıq

تلفظ ائتسز   i  و  ı   فرقین گورجکسیز.

یانلیش اورنک
yaşasin
a+a(قالین سسلی)+i (اینجه سسلی)
بوردا آردیجیلیق یاساسیندان چیخیب و اینجه سس قالین سسلیلره قاتیشیب بس یانلیش❌

دوغرو اورنک

yaşasın
a+a+ı(هامیسی قالین سسلی)
بس دوغرو✔️

دئدیکلریمیزی بیلمک اوچون یئتر اینجه سسلی قالین سسلی حرفلردن سئچه سیز.
(بو آردیحیلیق یاساسی عربجه /فارسجا/اینگیلیزجه و...سوزلری توتمور تکجه تورک سوزلرینده اولور

ANA_DILI

yazar:
Duman __ Turan

آرتــیغین اوخوماغا بورا کلیک اِئلین
چهارشنبه 1396.1.23

سای بیل

0 گؤروش
یازار:‌ اهرلی

ریاضی عالمینده من حیاتین فرمولون تاپدیم

گجه گوندوز چالیشماخلار سراسر صفر ضرب اولدی

http://bayram.arzublog.com/uploads/bayram/math.jpg

آرتــیغین اوخوماغا بورا کلیک اِئلین
چهارشنبه 1396.1.23
بؤلوملر : سای بیل (ریاضی),

سن سیز ای گول کونلومون بیر دم قراری یوخدو، یوخ

0 گؤروش
یازار:‌ اهرلی

http://bayram.arzublog.com/uploads/bayram/ASC-nabati.jpg

سن سیز ای گول کونلومون بیر دم قراری یوخدو، یوخ
سن دن اؤزگه، نئیله سین، بیر غمگساری یوخدی، یوخ

درد هیجرین چاره سی هرچند بیلدیم صبرایمیش
نئیله ییم، بالله بو دریانین کناری یوخدو، یوخ

لئیلی- لئیلی سؤیله ییب چوخلار دئییر کیم عاشیقم
لیک مجنون تک اونون بیر داغداری یوخدو، یوخ

گوللری، بولوللری، آب و هاواسی چوخ گؤزل
حئیف کیم بو گولشنین بیر گولعذاری یوخدو، یوخ

هئچ عیبین یوخ، گؤزلیک هامی سنده جمع دیر
نئیله ییم آمما کی، عهدین اعتباری یوخدو،یوخ

سن نه بسلرسن بو ترلانی نباتی، روز و شب
من بو داغی چوخ دولاندیم بیر شیکاری یوخدو، یوخ

"ابوالقاسم نباتی"

آرتــیغین اوخوماغا بورا کلیک اِئلین
چهارشنبه 1396.1.23
بؤلوملر : آدلی سانلیلار ,

تیکمیشم گوز راهه بیر جلادی گوزلر گوزلریم

0 گؤروش
یازار:‌ اهرلی


http://bayram.arzublog.com/uploads/bayram/ASC-nabati.jpg




تیکمیشم گوز راهه بیر جلادی گوزلر گوزلریم


دامه دوشمیش صیدتک صیادی گوزلر گوزلریم

یوخسه دیرسیز زاهدم من اولموشام خلوت‌نشین

اول صنمدن اوتری بو بربادی گوزلر گوزلریم

بیستون داغین گیدوب گزمک دگل منظورمیز

نقش شیرین تک همان فرهادی گوزلر گوزلریم

تا ائدوب عکس جمالین سینه‌می لوح خیال

ششدر حیرتده بیرنرّادی گوزلر گوزلریم

برق عشقین آتش سوزانه یاخمیش باغرمی

یاش توکنده دجله‌ی بغدادی گوزلر گوزلریم

مکتب عشق ایچره تا اتسون منی کامل عیار

اولموشام پا بسته بیراستادی گوزلر گوزلریم

قویمیم تا اوندان اوزگه کیمسه بو ویرانه‌ده

روز و شب بو خاطر ناشادی گوزلر گوزلریم

پرتو مهر روخوندن تاکی بیلسون بیر نشان

هر طرف سیران ائدوب هریانی گوزلر گوزلریم

جمله ی قرآن کتابی ائیله مکدن الورق

اوزگه مطلب یوخ همین بیر آدی گوزلر گوزلریم

محمل لیلی نباتی گوزدن اولدو ناپدید

من نه مجنونم کی بو اوتادی گوزلر گوزلریم


آرتــیغین اوخوماغا بورا کلیک اِئلین
دوشنبه 1396.1.21
بؤلوملر : آدلی سانلیلار ,

چوخ کئچمیشم بو داغلاردان بوداغلاردان

0 گؤروش
یازار:‌ اهرلی

چوخ کئچمیشم بو داغلاردان
دورنا گوزلی بولاقلاردان
ائشیتمیشم اوزاقلاردان
ساکیت آخان آرازلاری
سینامیشام دوستی یاری

 

ائل بیلیر کی سن منیم سن
یوردوم یووام مسکنیم سن
دئمه ک دوغما وطنیم سن
آیریلارمی کونول جاندان
آذربایجان، آذربایجان

من بیر اوشاق، سن بیر آنا
اودور کی باغلیام سانا
هانکی سمته، هانکی یانا
هی اوچسامدا یووام سن سن
ائلیم، گونوم، اوبام سن سن

فقط سندن گن دوشنده
آیریلیق مندن دوشنده
ساچلاریما دن دوشنده
بوغاز آیلار، ایللر منی
قیناماسین ائللر منی

داغلارینین باشی قاردیر
آغ اورپه گین بولوتلاردیر
بویوک بیر کئچمیشین واردیر
بیلینمه ییر یاشین سنین
نه لر چکمیش باشین سنین

دوشدون اوغورسوز دیللره
نحس آیلارا، نحس ایللره
نسللردن نسللره
کئچن بیر شهرتین واردیر
اوغلون قیزین بختیاردیر

 

 

هی باخیرام بو دوزلره
آلا گوزلی گوندوزلره
قارا خاللی آغ اوزلره
کونول ایستر شعر یازا
گنجله شیرم یازا یازا

بیر طرفین بحر خزر
یاشیل باش سونالار گزر
خیالیم دولانار، گزر
گاه موغانی، گاه ایلداری
منزل اوزاق، عمریم یاری

سیرا داغلار گن دره لر
اوره ک آچان منظره لر
جیران قاچار، جویور مه لر
نه چوخدور اویلاغین سنین
آرانین، یایلاغین سنین

کئچ بو داغدان بو آراندان
آستارادان لنکراندان
آفریقادان هندوستاندان
قوناق گلیر بیزه قوشلار
ظلم الیندن قورتولموشلار

بو یئرلرده لیمون ساری
اگیر، سالیر بو داقلاری
داغلارینتین دوم آغ قاری
یارانمیشدیر قارلی قیشدان
بیر سنگردیر یارانیشدان

لنکرانین گولی رنگ رنگ
یوردوموزون قیزلاری تک
دمله چایی، توک وئر گورک
آنامین دلبر گلینی
یادلارا آچما الینی

ساری سنبل بیزیم چورک
پامبیغیمیز چیچک- چیچک
هر اوزومدن بیر شیره چک
سحر- سحر آج قارینا
قوت اولسون قوللارینا

مین قازاخدا کوهلن آتا
یالمانینا یاتا- یاتا
آت قان تره باتا- باتا
گوی یایلاقلار بئلینه قالخ
کپه ز داغدان گوی گوله باخ

ای آزاد گون، آزاد انسان
دویونجا ایچ بو بهاردان
بیزیم خاللی خالچالاردان
سر چنار کولگه سینه
آلقیش گونش اولکه سینه

کونلوم گئچیر قارا باغدان
گاه بو داغدان گاه او داغدان
أخشام اوستی قوی اوزاقدان
هاوالانسین خانین سسی
قاراباغین شکسته سی

گوزل وطن‍ ‍‍‍‍‌معنان درین
بئشیگیسن گوزللرین
عاشق دییه ر، سرین- سرین
سن گونشین قوجاغیسان
شعر، صنعت اوجاقیسان

 

اولمز کونول ، اولمز اثر
نظامی لر، فضولی لر
الین قلم، سینه ن دفتر
دئه، گلسین هرنه یین واردیر
دئییلن سوز یادگاردیر

 

بیر دون بیزیم باکی یه باخ
ساحیللری چیراغ- چیراغ
بوروقلارین هایقیراراق
نعره چالیر بوز چوللره
ایشیقلانیر هر داغ دره

 

 

نازلادیقجا سرین کولک
ساخللره سینه گرک
بیزیم باکی، بیزیم اوره ک
ایشیقدادیر قوت سوزی
سحرلرین اولکر گوزی



 

گوزل وطن او گون کی سن
آل بایراقلی بیر سحردن
الهام آلدین، یاراندیم من
گولور توپراغ، گولور انسان
قوجا شرقین قاپو سو سان



 

نغمه لریم سرین سرین
عاشقی یم بو گونلرین
آتامیز شانلی رهبرین
گنجلیگی سویله نیر بوردا
حیات وئرمیش بیزیم یوردا



دینله منی، گوزل وطن
بیر سوز گلیر اورگیمدن
خلقیمیزین عشقیله سن
گوله جکسن هر بیر زمان
آذربایجان، آذربایجان

http://bayram.arzublog.com/uploads/bayram/Samad_Vurgun20.jpg

صمد وورغون

آرتــیغین اوخوماغا بورا کلیک اِئلین
دوشنبه 1396.1.21
بؤلوملر : آدلی سانلیلار ,

صمدوورغون

0 گؤروش
یازار:‌ اهرلی

هرباغین هرباغچانین  بیر بولبولو شیداسی وار

هر دویان قلبین  عزیزیم  گیزلی بیر سئوداسی وار

 

روحو اوخشار  قلبی اوخشار  اینجه بیر جانان سسی

گاه گولر  گاه آغلایار  هردمده بیر معناسی وار

 

جان آلان هرنغمه نین  معناسی یالنیز عشق دیر

گوءز گوءروب ال چاتمایان اولدوزلو بیر دونیاسی وار

 

دردی-هجران گونلریله عوءمرو  اودالاردان کئچر

هرکونول بیر کاروان دیر کی  بیر سوسوز صحراسی وار

 

بویله بیر سوءز وارکی  وورغون ایندی بیر مجنون اولوب

شعروصنعت آدلانان نازنده بیر لیلاسی وار  

 



http://bayram.arzublog.com/uploads/bayram/Samad_Vurgun20.jpg

صمدوورغون

آرتــیغین اوخوماغا بورا کلیک اِئلین
دوشنبه 1396.1.21
بؤلوملر : آدلی سانلیلار ,

سیدابوالقاسم نباتی

0 گؤروش
یازار:‌ اهرلی


http://bayram.arzublog.com/uploads/bayram/ASC-nabati.jpg
ایشیم، پئشم اود یا ندیرماق،

قریب آتش پرست اولدوم!

ایچدیم سودو، چکدیم بنگی،

عجایب شیری-مست اولدوم!

قوی الدن جامی-شرابی،

آت گئتسین چنگو روبابی،

تئز اول، چک شیشه کبابی،

من کی، مستی-الست اولدوم.

کئچدیم تامامی-عالمدن،

سولئیمان ایله ختا مدن،

گویا دئییلدیم آدم دن،

بیر حباب ایدیم، پست اولدوم.

مرهبا کمانا، شسته، بیر تیره،

دوققوز فلکلری تیکدیم بیر-بیره،

روستمی-دستانی ائتدیم بیر-بیره،

گؤر نئجه قریبه زبردست اولدوم.

شیکار ایستر ایکن، دامه دوشدوم من،

بیر سیاه مست اولوب جامه دوشدوم من،

نباتی، صوبح ایکن شامه دوشدوم من،

بیر افعی ایلانا پای بست اولدوم.

 

سیدابوالقاسم نباتی


آرتــیغین اوخوماغا بورا کلیک اِئلین
دوشنبه 1396.1.21
بؤلوملر : آدلی سانلیلار ,

میکائیل مشفق

0 گؤروش
یازار:‌ اهرلی

میکائیل مشفق شاعر ترک زبان آذربایجانی در سال ۱۹۰۸ میلادی در باکو متولد شد. در سال ۱۹۳۱ از گروه زبان و ادبیات دانشگاه باکو فارغ التحصیل شده و کار حرفه ای خود را به عنوان معلم مدرسه آغاز کرد.

اولین شعر او بیر گون (یک روز) در روزنامه فهله در سال ۱۹۲۶ منتشر شد. همراه با صمد وورغون و رسول رضا به یکی از بنیانگذاران سبک جدید شعر در آذربایجان تبدیل شد. او از مشوقان تبدیل خط عربی به خط لاتین بود که در سال ۱۹۲۷ اجرا شد.

مقاومت او در مقابل قانون ممنوعیت تار آذربایجانی که در سال ۱۹۳۰ از طرف استالین اعمال شد با شعر بخوان تار، بخوان تار موجب دشمنی حکومت با او شد که در نهایت به دستگیری او به عنوان میهن پرست متعصب و شاعر بورژوا در سال ۱۹۳۷ انجامید که بدنبال آن در سال ۱۹۳۹ به جرم خیانت به کشور و دشمنی با حکومت در زندانی در باکو اعدام شد و جسدش را در خزر سر به نیست کردند.

http://bayram.arzublog.com/uploads/bayram/220px-Mushfig.JPG



آرتــیغین اوخوماغا بورا کلیک اِئلین
دوشنبه 1396.1.21
بؤلوملر : آدلی سانلیلار ,